Pasitsaassineq: Timmisartorsuarmut ilaasut marluk coronamik tunillatsisimasinnaanerat pasitsaanneqartoq
Oqartussanit pasitsaanneqarsimavoq, Københavnimiit timmisartorsuarmut ilaasut marluk coronavirusimik tunillatsisimasinnaasut
Nutartigaq kingulleq: Coronamik tunillatsisimasutut pasineqartut marluk mattunneqarsimasut
Air Greenlandip timmisartuutaa Danmarkimiit Kangerlussuarmut meqqammerpoq. Ilaasut marluk coronavirusimik tunillatsisimasinnaanerat pasitsaanneqarsimavoq.
Oqartussat taamaammat taamatut pisoqarnerani iliuusissatut isumaqatigiissutaasimasunik suliaqarlutik aallartipput. Nappaalanersuaqarneranut Ataatsimiititaliaq tusagassiorfinnut nalunaaruteqarnermi ilisimatitsivoq.
Timmisartoqarfiup kujasersortaanut inissinneqartut
Innuttaasut allat peqqissusaat isumannaatsuunissaallu eqqarsaatigalugit timmisartoq Kangerlussuarmi timmisartoqarfiup kujasissortaanut inissinneqarsimavoq, Nunatta Nakorsaanerata peqqinnissaqarfiullu Kalaallit Nunaanni Politiinik suleqateqarlutik iliuusissanik sorlernik atuutsitsissanerlutik nalilersuineranni, taamatut nalunaaruteqartoqarpoq.
Nappaalanersuaqarneranut Ataatsimiititaliaq pilersinneqareerpoq, tassanngaanniillu pisoq isumagineqassalluni.
- Kalaallit Nunaanni Politiit allanik paasissutissaateqalerunik tusagassiorfinnut nutaamik nalunaaruteqassapput. Maannakkorpiaq allanik paasissutissaateqanngilagut, ilisimatitsissutigineqarpoq.
Ilaasoq ataaseq timmisartoqarfimmiittoq ilisimatitsivoq, ilassut maanna illorsuarmi inuit akornannut akuliunneqareersut.