Pasineqartut: Sakkutuut umimmammik pisaqarsimasut

Tunumi unioqqutitsinerusinnaasut sakkutooqarnikkut nipaarsaarunneqarput. – Suliamik misissuivugut, paasiniaanerullu ingerlanneqarnera pissutigalugu annertunerusumik oqaaseqarsinnaanata, sakkutooqarnermut tunngasuni unnerluussisoq, oqarpoq.

Danmarkimi nittartagaq naapertorlugu sakkutuut inatsisinik Tunumi unioqqutitsisimasutut pasineqarput. Sakkutuut pasineqarnerminnut qanoq isumaqarnersut ilisimaneqanngilaq

Illersornissaqarfiup umiarsuaataasa nakkutilliissutit ilaanni umiarsuup naalagaa inuttallu pingasut Tunumi nunami allanngutsaaliukkami umimmammik pisaqarsimasutut kiisalu sikaritsit imigassallu akitsuuteqanngitsut atorlugit qilalukkat qernertat tuugaavinik inerteqqutaasunik pisimasutut pasineqarlutik misissuiffigineqarput.

Taama Danmarkimi nittartagaq Olfi.dk Danmarkimi illersornissaqarfik pillugu nutaarsiassanik ilisimasaqarluartutut oqaatigienqartartoq allappoq.

Pillarneqaataasinnaasumik pisoqarsimaneranik nalunaarut

AG illersornissaqarfiup Viborgimi inatsilerinermut tunngasunik suliaqartartunut, sakkortooqarnikkut suliassanik pillarneqaataasinnaasunik paasiniaasartunut malersuisartunullu saaffiginnippoq. Tassani auditøri, Claus Risbjerg, suliamik misissuisoqarneranik ilumoorneraavoq. Imarisaali annerusumik itisiliiffigerusunnagu.

- Illersornissaqarfiup umiarsuaataasa Kalaallit Nunaanniittut ilaanni pillarneqaataasinnaasumik pisoqarsimasinnaaneranik nalunaarummik tigusaqarsimavugut, oqarpoq.

Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk:

Powered by Labrador CMS