Skip to main content

Partiit: Ammaaqqinnermut peqataatinneqarnerorusuppugut

Naalakkersuisut inuiaqatigiinnik ammaaqqinnissamut atatillugu isumaqatiginninniarnernut partiit peqataatittassavaat, Inatsisartuni partiit arlallit pingasunngormat taamatut oqariartuuteqarput.

Naalakkersuisut inuiaqatigiinnik ammaaqqinnissamut siunnersuutaat pingasunngormat Inatsisartuni oqaluuserineqarpoq.

Oqallinnermi sammineqartut ilagaat, Naalakkersuisut ammaaqqinnissamik isumaqatiginninniarnermi aamma coronap ajornartorsiortitsineranik isumaginninniarnermut atatillugu partiinik peqataatitsinerusarnissaannik piumasaqaqqinneq.

- Naalakkersuisut partiit siulittaasuinik suleqateqarneminnik annertusaanissaat kissaatigaarput, ataatsimiititaliatulluunniit taaneqarsinnaangajappoq, Hermanna Berthelsen Siumumeersoq oqarpoq.

Inuit Ataqatigiinni siulittaasup Múte B. Egedep, suleqatigiinneq aamma oqaaseqarfigaa:

Tusarnaaginnaranilu akuersaaginnarnianngitsoq

- Inuit Ataqatigiinnit piareersimavutu suleqatigiinnissamut, oqaloqateqarnissamut isumaqatiginninniarnissamullu. Tamanna aallaqqaataaniilli erseqqissaatigisimavarput. Oqaatigissavarpulli issiaannarniarnatalu akuersaaginnarniannginnatta. Taamaallaat suleqatigiilluartoqarsinnaavoq immitsinnut tusarnaarnitsivut isummattalu naapeqatigiissinnerisigut. Isumaqataanngikkaanni kissaammertarneq ajuallattarnerluunniit aqqutiginagit, Múte B. Egede oqarpoq.

IA-mi siulittaasoq isumaqarpoq, coronap ajornartorsiortitsineranit aningaasaqarnikkut kinguneqaataasussat pillugit isumaqatiginninniarnernut Inatsisartut naammaginartumik peqataatinneqartanngitsut.

- Atugarissaarneq ajoquserniarnagu, aningaasaqarnermut tunngatillugu oqimaattunik aalajangiinissamut piffissanngungajalerpoq. Isumaqarpugut assut ajuusaarnartoq, Naalakkersuisut siulittaasuata suleqatigiinnissamik assatsinnik isaassinitsinnik ajortumik tigusinera, Múte B. Egede oqarpoq.

Naalakkersuisooqatigiit ataqatigiittut 

Naalakkersuisooqatigiit partiianneersoq Aleqa Hammond, Nunatta Qitornai, Inatsisartut ammaaqqinnissamut pilersaarummik oqallinneranni, Naalakkersuisut siulittaasuata suleriaasia nersualaarpaa.

Partiimi tapersersortaasumi Demokraatini, siulittaasuugallartoq Nivi Olsen isumaqarpoq, Naalakkersuisut coronap atuunnerani sulilluarsimasut. Isumaqarlunilu IA_p naammagittaalliornera paatsoorsimanermik tunngaveqartoq.

- Ajornartorsiornerup aallartinnerani oqaloqatigiilluartarneq aallartinneqarpoq, ammaaqqinnissarli suliaralugu aallartinneqarmat matoqqanerusumik periuseqartarneq uterfigeqqinneqarpoq, Múte B. Egede oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER