Skip to main content

Partiit siuttui: Inatsisartut kissaataat ataqqineqartariaqarput

Partiini arfineq-marluusuni sisamat ataatsimoorlutik tusagassiutinut nalunaaruteqarput piumasaralugu Inatsisartut kissaataat Naalakkersuisut malissagaat.

Partiit sisamaasut siuttui, Muté B. Egede (IA), Siverth K. Heilmann (A), Hans Enoksen (PN) aamma Tillie Martinussen (Sul) ataatsimoorlutik tusagassiutinut nalunaaruteqarput Aningaasaqarnermut ataatsimiititaliap kissaataat Naalakkersuisunit malinneqassasut naqissuserlugu.

- Ataani atsiortugut Naalakkersuinikkut piffissami kingullermi pisut akuersaaruminaatsippagut, Inatsisartullu sinnerlugit Aningaasaqarnermut Akileraartarnermullu Ataatsimiitsitaliap Naalakkersuisunut piumasaqaateqarnera Naalakkersuisunit tusaaneqarluni malinnineqartariaqartoq isumaqarluta, partiit siuttui ataatsimoorlutik tusagassiutinut nalunaarutiminni allapput.

Aningaasaqarnermut ataatsimiititaliap tallimanngormat piumasaraa Kalaallit Airportsip Munck Gruppenillu akornanni isumaqatigiissut atsiorneqassanngitsoq. Atsioqatigiinneq Danmarkimi ullumi marlunngornermi atsiorneqassaaq, sumi atsiortoqassanersoq ilisimatitsissutigineqanngilaq, tusagassiorfiillu aggersarneqarsimanatik.

Paasissutissat tamarmik tunniunneqassapput

- Mittarfiit sanaartorneqarnissaata illersorneqarsinnaasumik ingerlanneqarnissaa siunertarineqartoq; taamaalillunilu paasissutissanik nutaanik saqqummertoqarneratigut, aningaasaliissutissatut sinaakkusiunneqareersut avataasigut malunnaatilimmik pisortat aningaasartuuteqarsinnaanerannik itinerusumik paasissutissanik ujartuisoqarnera pissusissamisoortutut isumatusaarnertullu isigaarput, nalunaarummi allassimavoq.

Taakku tunngavilersuutigaat Naalakkersuisut Aningaasanut Inatsisissatut 2020-moortumut siunnersuutaanni aningaasartuutinut nutaanut inissaqartoqannginnera.

- Allaallu inuit ulluinnarni atugaanniit sipaarniarnertut taaneqarsinnaasunik maanna Naalakkersuisuniit siunnerfeqartoqartillugu Aningaasaqarnermut Akileraartarnermullu Ataatsimiitsitaliap piumasaqaatai malinneqassasut naqissuseqqikkumallutigu. Inatsisartut kissaataat Naalakkersuisut malittussaavaat. Takinerunngilaq pissusissamisuuginnarlunilu​​​​​​​, allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER