Partiit nutaat Inatsisartunut qinigassanngortissinnaasut
Partiit pilersinneqaqqammertut nutaat marluk, Suleqatigiissitsisut aamma Nunatta Qitornai, Inatsisartunut qinersinissamut qinigassanngortitaqarsinnaanerat Qinersinermut Ataatsimiititaliap tallimanngormat akuersissutigaa
Annonse
Qinersinermut Ataatsimiititaliap Inatsisartunut aapriilipå 24-ani qinersinissamut Suleqatigiissitsisut aamma Nunatta Qitornai qinigassanngortitaqarsinnaanerat tallimanngornermi akuersissutigaat.
Namminersorlutik Oqartussat taama tusagassiuutinut nalunaaruteqarput.
Nunatta Qitornaani siulittaasoq, Vittus Qujaukitsoq, atsiornernik nutaanik 200-nik katerseqqittariaqarsimasoq, eqqissiallappoq:
- Qineqqusaarnermi peqataatitaqarnissarput qilanaaraarput, taanna oqarpoq.
Kikkuuisi? Qasseersiutimmi atorlugit oqaaseqarputit.
- Qineqqusaarutissagut piareersarpagut, ullunilu qaninnerni qineqqusaarutigut qineqqusaartitassagullu pillugit nalunaaruteqarumaarpugut, nalunaarutigulli arajutsinavianngilasi, Vittus Qujaukitsoq oqarpoq.