Partiit mikisut piumasaqassaqaat
Naalakkersuisunngortitsiniarluni isumaqatigiinniarnissat ajornakusuussaqisut siornatigut Siumumi Inuit Ataqatigiinnilu siulittaasut naliliipput
Nunatsinni inatsisiliortut oqaluttuarisaanermi siullerpaamik partiinit arfineq marlunneersunit katitigaapput.
Siumup Inuit Ataqatigiillu suleqatigiinnissaat pissusissamisoornerpaajugaluartoq apeqqutaalluinnarpoq partiit siulittaasui Sara Olsvig aamma Kim Kielsen qanoq suleqatigiissinnaatiginersut, Siumukkormiutoqaq Lars-Emil Johansen naliliivoq.
Aviisi AG taama allaaserisaqarpoq.
Siumut Inuit Ataqatigiillu suleqatigiissanngippata partiit ikinnerpaamik pingasut suleqatigiinnerisigut aatsaat naalakkersuisunngortitsisoqarsinnaavoq. Tassani partiit mikinerit isumaliortaatsikkut assigiinngissutaat pingaarutilittut inissittussaavoq.
- Siumut aamma Inuit Ataqatigiit pisussaaffigaat naalakkersuisooqatigiilernissaq taasinerit affaat sinnerlugit tunuliaqutarigamikkit aamma partiit anguniagaat imminnut assigummata. Kisianni aamma pissanganarpoq qineqqusaarnerup naggataani partiit taakku marluk assortuunnerat suleqatigiinnissamut akornutaassanersoq, siornatigut Inatsisartuni Naalakkersuisunilu siulittaasoq LarsEmil Johansen oqarpoq.
Allaaserisaq tamaat AG-mi atuaruk, taanna aqagu tallimanngornermi saqqummissaaq. Kisianni aviisi uani pisiarisinnaalereerpat: