Partiip Mittarfeqarfinnut akiligassat isorilluinnarai

Mittarffeqarfinnut siunissami aningaasartuutissatut naatsorsuutigineqartut timmisartoqarfiliornerit aningaasassaqartinnerat nalorninartoqartilerpaat, Naleqqamit isornartorsiutigineqartoq taamatut nipeqarpoq. Namminersorlutik Oqartussanit erseqqissaassutigineqarpoq, Mittarfeqarfiit periusissiaq nutaaq atorlugu nunami mittarfinnik qulimiguulinnullu mittarfinnik iluarsaassinissamut kinguartoorutaasimasut iluarsiiffigineqarnissaannut periarfissaqalissasut.

Aningaasat inatsisissatut siunnersuummi Mittarfeqarfinnut immikkoortinneqarnissaannik siunnersuutigineqartut nalorninartortaqarput, tassani Naalakkersuisut Kangerlussuarmi Timmisartoqarfiup siunissami ingerlanneqarnissaa aserfallatsaalineqarnissaalu pillugit Illersornissaqarfimmut suli isumaqatiginninniarmata.

Inatsisartut ukiaq manna ataatsimiinnerminni isummerfigissavaat, Nuummi, Ilulissani Qaqortumilu nutaanik timmisartoqarfiliornerup malitsigisaannik Mittarfeqarfiit siunissami qanoq aaqqissugaassanersut.

Mittarfeqarfiit timmisartoqarfissanik nutaanik piginnittuunatillu ingerlatsisuussanngillat, taamaalillunilu Nuummi Kangerlussuarmilu aamma nunami mittarfiit qulimiguulinnullu mittarfiit akornanni taperseeqatigiissitsisarnerit atorunnaassallutik.

Illuatungiliuttutut partiimit Naleqqamit oqaatigineqarpoq, Mittarfeqarfiit pillugit inatsisissatut siunnersuut timmisartoqarfissat nutaat inuiaqatigiit aningaasaqarnerannut iluaqutaasinnaanerannut nalorninartoqartitsilersoq.

Oqaaseqartartup Jens Napãtôk'p isornartorsiuinermini ilaatigut oqaatigaa, inatsisissatut siunnersuummi ilisimatitsissutigineqartoq, Nuummi Ilulissanilu timmisartoqarfissat atuutilerpata Mittarfeqarfiit kiffartuussinissamik isumaqatigiissutissaannut ukiumut 105 aamma 158 miliuunit akornanniittunik immikkoortitsisoqartassasoq.

Naleraq: Ilisimatitsissuteqartoqarsimannginnera assuarnarpoq

Oqaaseqartartup oqaatigaa, Nuummi Ilulissanilu timmisartoqarfissat inuiaqatigiit aningaasaqarnerannut kinguneqaatissat pillugit naatsorsuisimanernut upernaaq saqqummiunneqartunut tamanna akerliusoq, naatsorsuisimanerimmi takutissimavat ukiut 30-t ingerlaneranni 700 millioner koruuninik sinneqartooruteqartoqassasoq.

Upernaaq naatsorsuisimanerit takutippaat, Mittarfeqarfinnut ukiumut 71 millioner koruuninik tapiissuteqartoqartassasoq.

Tapiissutaasartussalli siunnersuummi saqqummiunneqartumi amerlanerungaatsiarput, Mittarfeqarfinnummi ukiuumut 105 aamma 158 miliuunit akornanni nalilimmik kiffartuussinissamik isumaqatigiissummut aningaasaliisoqartartussaammat.

- Isumaqarpugut tamatumannga inuiaqatigiinnut ilisimatitsissuteqartoqarsimannginnera isornartuusoq, Jens Napãtôk’ Sermitsiaq.AG-mut oqarpoq.

Illersornissaqarfik Kangerlussuarmik atuinerminut akiliuteqartassasoq

Takussutissaq tulliuttoq inuiaqatigiit aningaasaqarnerannut kinguneqaatissat pillugit naatsorsuutinit, Naalakkersuisut upernaaq saqqummiussimasaannit tigusaavoq. Kukkunersiuisarfdik Deloitte naatsorsuisimasuuvoq.

Aningaasat inatsisissatut siunnersuummi Mittarfeqarfinnut immikkoortinneqarnissaannik siunnersuutigineqartut nalorninartortaqarput, tassani Naalakkersuisut Kangerlussuarmi Timmisartoqarfiup siunissami ingerlanneqarnissaa aserfallatsaalineqarnissaalu pillugit Illersornissaqarfimmut suli isumaqatiginninniarmata.

Illersornissaqarfik atukkaminut akiliuteqartassaaq. Sakkutuujunngitsunut atuisitsinermi aningaasartuutissat ilaatigut Mittarfeqarfiit Namminersorlutillu Oqartussat akornanni kiffartuussinissamik isumaqatigiissutaasigut akilerneqartassapput.

Aningaasat inatsisissatut siunnersuummi Mittarfeqarfinnut immikkoortinneqarnissaannik siunnersuutigineqartut nalorninartortaqarput, tassani Naalakkersuisut Kangerlussuarmi Timmisartoqarfiup siunissami ingerlanneqarnissaa aserfallatsaalineqarnissaalu pillugit Illersornissaqarfimmut suli isumaqatiginninniarmata.

Sermitsiaq.AG-mut Naalakkersuisut Naleqqamit isornartorsiutigineqaroq oqaaseqartinniarneqarsimapput, Attaveqaqatigiinnermullu Immikkoortortaqarfimmit akissutisisimalluni.

Aserfallatsaaliisarnissaq nutarteriuarnissarlu inissaqartinneqassasut

Immikkoortortaqarfimmi pisortap Kenneth Bøjlerip Sermitsiaq.AG-mut oqaatigaa, pingaaruteqartoq eqqaamassallugu, Mittarfeqarfiit kiffaertuussinissamut isumaqatigiissutaannut aningaasaliissutissatut siunnersuutigineqartut tunngavissamik nutaamik imaqartut, ingerlatseqatigiiffiup nunami mittarefiit qulimiguulinnullu mittarfiit iluarsaanneqarnissaannik kinguartoorutigisimasaanik Mittarfeqarfiit isumaginnissinnaasunngortinniarlugit.

- Aningaasat nunamut tamarmut, tassa nunaqarfinnut illoqarfinnullu mikinerusunut iluaqutaassapput, taamaalillunimi isumaqatigiissut naapertorlugu nutarteriuartoqarlunilu pitsanngorsaajuartoqartassaaq, immikkoortortaqarfimmi pisortaq oqarpoq.

Kinguaattoorutaasut Mittarfeqarfiit siusinnerusukkut naatsorsuutaanni en milliard koruunit missaanniittutut naatsorsorneqarsimapput, kinguaattoorutaasulli ilaat Kangerlussuup Timmisartoqarfianut attuumassuteqarput, taakkulu illersornissaqarfimmit akilerneqassasut naatsorsuutigineqarluni.

- Timmisartoqarfinnik aserfallatsaaliinerit, ingerlatsinerit pisariaqartinneqartumillu nutarsaasarnerit kisitsisinut ilaatinneqarput. Mittarfeqarfiit taamaalillutik politikkerinit sukkulluunniit issiasunit ilassutitut aningaasaliiffigineqarnissamik eqqarsaateqaratik siunissamut pilersaarusiorsinnaanngussapput, Kenneth Bøjler nassuiaavoq.

Neqeroorutigineqartut pitsaanersarisimagaat

Immikkoortortaqarfimmi pisortap erseqqissaassutigaa, inuiaqatigiit aningaasaqarnerannut kinguneqaatissatut siusinnerusukkut naatsorsuisimanerit neqeroorutigineqartut pitsaanersarisimagaat, kukkunersiuisarfimmillu akuerisaasumit taakku suliarineqarsimasut.

- Kialluunniit nunarsuarmi corona tuniluutilertussaasoq Ukrainemiluunniit sorsuttoqalertussaasoq takorloorsimanngilaa. Tamannami ajornarpoq, taamaammat aallaqqaammut naatsorsuutigisimasanut sanilliulllugu pissutsit allanngoriartussapput.

- Naatsorsuinermi takorloorneqarsimasunit pissutsit ilaat ajornerulersimapput, aammali timmisartoqarfissat nutaat suli pitsaanerusumik ingerlanneqalernissaannut naatsorsuutit imaqarput, Kenneth Bøjler oqarpoq.

Powered by Labrador CMS