Partii nutaaq kalaallisut paaserusunnanilu oqalukkusunngilaq

Partii nutaaq, UNP, Nuummi ulluni makkunani pilersinniarlugu suliniutigineqaleruttorpoq. Kisianni partiip UNP qanoq isumaqarnersoq aqagu nal. 13 tusagassiortunik katersortitsileruni aatsaat avammut suaarutiginiarpaa.

Partii UNP-mik pilersitsiniartoq tassaavoq assiliilluni tusagassiortartoq, Jørgen Chemnitz.

- Partii pilersinniarparput politikkimi qiimmisaarnermik pisariaqartitsigatta, kisianni aamma politikerinik suliaminnut tunniusimasunik pisariaqartitsigatta, Jørgen Chemnitz oqarpoq.

Atuaruk: Hudærlig Chemnitz signerer bog

Atuaruk: Kritikere ryger i gabestok

Partii Inuini isumassarsiortut
Partii nutaaq pilersinneqartussaq partiini allani isumassiorluni misissuisimavoq, ingammik Partii Inuini, taakkualu oqaatsinut politikkiat aamma atorluarniarpaat, killormuuinnarluguli:

- Kalaallisut oqaaseqarniaratalu paasininnerusunngilagut, Jørgen Chemnitz inuiannut siullermeerluni Facebookini aqqutigalugu oqalugiarnermini ilaatigut oqarpoq.

UNP partiip atsiornerit 664-it Inatsisartunut novembarip 28-ani qinigassanngortitsiniaruni pisariaqartippai. Taamaammat partiip, aqagu pisortatigoortumik pilersinneqartussap, atsiornernik katersinini ataasinngorpamiit aallartinniarpaa.

Jørgen Chemnitz najoqqutaralugu UNP tassaaginnanngilaq maanna partiioreersunut akerliuniaannarluni pilersinneqartoq:

Jørgen Chemnitzip "inuiannut oqalugiaataa siullerpaaq" uani takujuk (una TOORIUK video takusinnaanngikkukku)