KL

DK

Partii Naleraq: Immanuelsen tunuartariaqarpoq

Jens Immanuelsen aalisarnermut naalakkersuisutut tunuartariaqartoq Partii Naleraqqamit Jens Napaattooq isumaqarpoq.

'- Hvor mange lig vil der ikke være væltet ud af skabene, hvis undersøgelsen var blevet udvidet, spørger Jens Napaattooq.
Jørgen Schultz-Nielsen

Inuussutissarsiutigalugu aalisarnermi pisassiissutinik akuersissutinillu aqutsiviginninneq pillugu ingerlatsinikkut annertusisamik kukkunersiuineq pillugu isornartorsiuisoqarpoq, tamannalu kinguneqartinneqartariaqartoq Partii Naleraq isumaqarpoq.

Naammaleqaaq

- Naammaleqaaq. Nakoqqutassat aalisarnermut Naalakkersuisoqarfimmi malinneqarsimanngitsut misissuinerup takutippaa. Innuttaasut assigiimmik sullinneqarsimannginnerat apeqqusernarsivoq. Akisussaaffik Jens Immanuelsenimiippoq, taamaattumik erngerluni atuuffimminit tunuartariaqarpoq, Jens Napaattooq naqissusiivoq.

Deloittep misissuinera toqqammavigalugu misissuinerusoq isumaqarpoq.

- Misissuineq tamakkiisumik suliarineqarsimasuuppat suli annertunerusumik paasisaqartoqarsimassagaluarpoq, Jens Napaattooq oqarpoq.

Paasissutissaq nutaaq

Partii Naleraq arlaleriarluni tatiginninnginnermik taasititsereerpoq, Naalakkersuisooqatigiinnit itigartinneqartartumik.

- Isornartorsiuiinnartutut nalilerniarneqartarpugut. Taamaattoq misissuinerup takutippaa inatsisit malillugit ingerlatsisoqanngitsoq - kikkut tamat oqartussaaqataanerat tunngavigalugu sulisoqanngilaq. Politikkikkut akisussaasut misissuinerup inerneranut akisussaatinneqartariaqarput. Jens Immanuelsen tunuassanngippat Naalakkersuisooqatigiit inatsisit malinnagit sulisulerusuttutut paasineqassaaq, Jens Napaattooq oqarpoq.

Jens Immanuelsen isornartorsiorneqaraangami Naalakkersuisooqatigiit isumaqatigiissutaat malikkugit sulilluni akissuteqartartoq tikkuarpaa.

Læs hele sagen:

aalisarneq piniarnerlu inuussutissarsiutit politikki
Powered by Labrador CMS