qinersineq
Partii Naleqqap qinersisoqarnerani nalliuttorsiorfiannut Kim Kielsen isertoq
Partiit sumiiffinni assigiinngitsuni qinersineq nalliuttorsiutigaat. Partii Naleqqap nalliuttorsimaffianut Kim Kielsen puttuppoq
Kim Kielsen Partii Naleqqamut suleqateqarnissani kissaatugaa. Naalakkersuisunut siulittaasunngorsinnaasoq Kim Kielsen Partii Naleqqap qinersisoqarnerani nalliuttorsiorfianut Pilutamut Nuummiittumi iserpoq tallimanngornerup unnukkuani.
Isumaqatigiissuteqarsimanertik Hans Enoksenip KNR-TV-mut oqaatigaa.
- Kim (Kielsen) ikinngutitut takkuppoq ilassiartorluni. Ikinngutigiittuaannarnikuuvugut. Politikki pillugu oqalunngilagut, qiimaqisoq Hans Enoksen oqarpoq.
Partii Naleqqap qinersisoqarnerani nalliuttorsiorfia inuppassuarnit nuannisartunit akuuffigineqarpoq.
Partii Naleraq Hans Enoksenip Siumumit ilaasortaajunnaareernerata kingorna januaarimi 2014-mi pilersinneqarpoq.