Partii Naleqqap inuusuttaani ilaasortaq partiimi ilaasortaajunnaarpoq
Partii Naleqqap Mikael Petersenimik atorfinititsinera akerleralugu inuusuttaani siulittaasoq Paarnannguaq Tobiassen siulittaasutut tunuarpoq.
Annonce
- Tamanna peqqutigivara Mikael Petersenip Naleqqami atorfinitsinneqarneranut, isumaqarama inuiaqatigiinnut arnanullu qulinut ataqqinninnginnerujussuarmik takutitsinerusoq, kiisalu Naleqqami killissanut qaangiinerusoq, Paarnannguaq Tobiassen KNR-imut oqarpoq.
Partii sinnerlugu folketingimut kingullermik qinigassanngortittoq Kuno Fencker partiimi aamma ilaasortaajunnaarluni pingasunngormat nalunaarutigaa.