Skip to main content

Partii Inuit: Siulittaasuusimasoq Partii Naleqqamut uterniarpoq

Per Rosing-Petersen parteerisima uterusuppoq, taamaammat parteerput qimappaa, Partii Inuit allappoq

Sermitsiaq.AG-p sapaammi allaaserinneratut Partii Inuini siulittaasup, Per Rosing-Petersenip, qaammatini marlunni siulittaasooreerluni partii qimanniarlugu aalajangerpoq.

Tamatumunnga atatillugu ilaasortat allat tallimat partii qimanniarlugu aalajangerput.

Per Rosing-Petersenip sooq partii qimanneraa, Partii Inuit maanna oqaluttuaraat:

- Tamassumunnga pissutaavoq Per Rosing-Petersen Partii Naleqqamut uteqqinnissaminik kissaateqarluni nalunaaruteqarmat, tamannalu ataqqillugu tunuarniut Partii Inuinit tiguarput, Partii Inuit siulittaasorigallagaat Pauline Mølgaard allappoq.

Atuaruk: Partii Inuit avissaartuuttut

Immikkut ittumik ataatsimeersuarneq
Per Rosing-Petersen siorna Partii Naleqqamit anisitaasoq attaviitsutut ingerlaqqinniarnerluni imaluunniit partiimut allamut ilaasortanngorniarnerluni Sermitsiaq.AG-mut oqaluttuarusussimanngilaq.

- Kisianni piffissami qaninnermi pisoqarumaarpoq, sapaatiummat ilaatigut taama oqarpoq.

Atuaruk: Partii Naleqqamit anisitaasoq

Partii Inuit sulinertik nangeqqinniarpaat, piffissamilu qaninnermi aamma immikkut ittumik ataatsimeersuassapput.

- Partii Inuit Inatsisartunut qinersinissamut tullermut piareersaateqalereerput, tamannarpiarlu pissutigalugu sinerissami atsiornernik ulluni makkunani katersilluta ingerlataqaleruttorput, partii ilisimatitsivoq.

Atuaruk: Partii Inuit atsiornernik katersivoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER