Partii Inuit piumasaqaateqangaatsiartoq

Piffissanngorpoq Kalaallit Nunaannit Folketingimut qinikkat Danmarkimi Naalakkersuisunngortartunut amerlaqutaannartut atorneqarunnaarnissaat. Nunatsinnit qinigaasartut Folketingimi suliassanut angusaqarnerussagunik Danskit politikkeriinut ullumikkornit piumasaqarnerujussuusinnaasariaqarput.

Partii Inuit sinnerlugit siulittaasunngoqqammersoq Georg OIsen oqariartuuteqarpoq.

Partii Folketingimut qineqqusaartitaqanngikkaluartoq Folketingimut malunnaatilinik

Piumasaqaatit:

• Folketing Naalakkersuisoqarfimmik nutaamik pilersitseqqullugu piumasaqarfigineqartariaqarpoq; Issittoq pillugu Naalakkersuisoqarfik aammalu issittumi isumannaallisaanermut upalugaarsimaniarnermut issittumilu aningaasarsiornermut angallannermullu tunngasutigut Naalakkersuisoqarfeqarnissaa piumasarineqartariaqarpoq.
• Naalakkersuisoqarfillu Nunatsinneersumik siuttulerneqartariaqarpoq.
• Kalaallit nunaat aamma Savalimmiut tamarmik tunngavisusumik inatsiseqalissasut tassanilu suliniarnitsinni Danskit Naalakkersusisui tamakkiisumik tapersersuissasut.
• Naalagaaffeqatigiinnerup iluani pissutsit pillugit Folketingi immikkoortumik ataatsimiisitaliortoqartariaqartoq piumasarineqqartariaqarpoq, Naalagaaffeqatigiinnerupiluani pissutsit assigiinngitsorpassuit pillugit ataatsimiisitaliaq. Danmarkimit Savalimmiunit Kalaallillu Nunaanneersunillu inuttaqartinneqartussaq.
• Pituffimmi Sakkutooqarfeqartitsinermut tungassuni Amerikarmiut Danskillu naalakkersuisuisa isumaqatigiissutaannik tamakkiisumik Kalaallit Naalakkersuisui ilisimasaqarnerunissaat anguniarlugu pituffik pillugu suliani qulaajaasoqarnissaa piumasarineqartariaqarpoq.
• Suliassaqarfiit suli Nunatsinnit oqartussaaffgineqalersimanngitsut Kalaallit Nunaanni inatsisartut Naalakkersuisullu qanimut suleqatigalugit Danmarkimi Naalakkersuisunngortussat
• suliniuteqartariaqartut qularnaarniaqartariaqarpoq.