Skip to main content

Partii Inuit: Isumalioqatigiissitaq qaqilerneqaqqittariaqarpoq

Partii Inuit siulittaasuata Nikku Olsenip Saammaateqatigiinnissamut Isumalioqatigiissitap aaqqissuunneqarnera isornartorsiorpaa. Politikkerinit akuleruffigineqassanngitsoq isumaqarpoq

Saammaateqatigiinnissamut Isumalioqatigiissitami ilaasortanik tallimanik naalakkersuisut toqqaaqqammerput, kiisalu aamma aalakkersuisut partiit peqquaat malitseqartitsinissamut suleqatigiissitaliamut ilaasortassanik toqqagaqassasut. 

Saammaateqatigiinnissamut Isumalioqatigiissitamut malitseqartitsinissamut suleqatigiissitalianut ukua ilaasortaapput: Gerhardt Petersen (Atassut), Sara Olsvig (IA), Hanne Rasmussen (Demokraatit), Paninnguaq Olsen (Partii Inuit), Per Rosing-Petersen (Partii Naleraq) aamma Kenneth Rasmussen (Siumut).

Nikku: Kisermaassilluni aqutsineq
Saammaateqatigiinnissamut Isumalioqatigiissitamut malitseqartitsinissamut suleqatigiissitalianut politikkerinik toqqaasoqarnera Partii Inuit siulittaasuata Nikku Olsenip annertuumik isornartorsiorpaa. 

- Taamatut pakasaalluni qoqassiiniarpaluttumillu aammalu kisermaasserpaluttumik periuseqarneq politikkikkut tatigeqatigiinnissamik pingaartitsineq suusupagineqartoq isumaqarpunga. Aammalu assut akuersaaruminaattumik pissusilersornerusoq isumaqarlunga, Nikku Olsen tusagassiutinut nalunaarummi oqarpoq, nangillunilu:

- Naalakkersuisut saammaaseqatigiinnissamut suleqatigiisitassarsuaq akisooq pillugu upernaaq maajimi partiit siulittaasuinut, naalakkersuisut siulittaasuata (Aleqa Hammond) suleriusissanik tusarniaatigaluni saaqummiussinerani piumasarineqarpoq partii sinniisuutitassaat politikkimik suliaqartuunnginnissaannik, taamaattorli paasivarput Atassutip aammalu Inuit Ataqatigiit siulittaasui toqqarneqarsimasut aammalu partini allani politikkimik suliaqartunik inuttalersiusoqarsimasoq. 

Qaqilerneqaqqinnissaa kissaatigaa
Kalaallit Nunaat tatigineqarsinnaasumik aqutsisoqartariaqartoq Nikku Olsen oqarpoq. 

- Partiit siuttuisa naapillutik maajimi tusarniaavigineqarneranni pingaartillugu tikkuartorsimavara pisimasut suliassallu annertuumik politikkikkut atuumassuteqartuummata peqqissaartumik aaqqissuunneqarnissaa kissaatingalugu kaammatuutigisimagakku oqaatigissavara.

- Tamaammat Partii Inuit siulittaasuattut sakkortuumik tikkuartariaqarpara taamatut ingerlatseriaaseqarneq inuiaqatigiit aqunneqarneranni tatigeqatigiinnissamik innarliinerummat qaqilerneqaqqittariaqartorlu pissuserissaaluni inissitsiterinissamut, Nikku Olsen oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER