partiimit tunuarneq
Partii Inuit avissaartuuttut
Ilaasortat tallimat, siulittaasoq ilanngullugu, Partii Inuimit tunuarput
Per Rosing Petersen qaammatini marlussunni Partii Inuimi siulittaasooreerlunilu tunuarluni nalunaaruteqarpoq.
Tassunga atatillugu ilaasortat sisamat aamma tunuarput. Tassaallutik Aannguaq Poulsen, Kasper Wille, Jens Peter Lange Frederik Langelu.
Atuaruk: Per Rosing-Petersen Partii Inuit siulittaasortaaraat
Per Rosing-Petersenip partii naapeqatigiitsinniarsimagaluarlugu Sermitsiaq.AG-mut oqaluttuaraa.
- Nukikka partiimut atornissaanut piffissaqanngilanga illuatungaanilu Nunatta suliassat pisariaqartitai suliarniarlugit. Partii kivinniarneranit Inuiaqatigiinni naligiinnginnerujussuup sulissuteqarfiginissaanut nukikka atorusunneruakka, oqarpoq.
Partii Inuanullu ilaasortanngorsimanini peqqissimissutiginnilaa.
- Politikkikkut suliaqarnermi tunaartaqarnissaq pingaaruteqarpoq, partiillu ataatsimoortinnissaanut sulissuteqarnikuullunga. Partiimili avissaartuuttoqarnera uanga peqataaffingerusunngilara, Per Rosing-Petersen oqarpoq ullunilu kingullerni susoqarsimanera oqaaseqarfingerusunnginnerarlugu.