Skip to main content

Parisimi isumaqatigiissut tusarniaassutigineqartoq: Savalimmiuni periuseq malikkusunneqartoq

Periuseq malillugu Kalaallit Nunaata silamut tunngatillgu anguniagassat nammineq aalajangersinnaavai, taamalu Parisimi isumaqatigiissummut peqataalernermi kinguneqaataasinnaasut nammineq aqussinnaallugit, Namminersorlutik Oqartussanit nalunaarutigineqarpoq.

Partiit illuatungiliuttut Kalaallit Nunaata Parisimi isumaqatigiissummut qanoq ilanngussinnaaneranut tigussaasumik pilersaaruteqartoqarnersoq arlaleriarlutik paaasiumasarsimavaat, minnerunngitsumillu Kalaallit Nunaanni suliffissuaqarnikkut ineriartortitsinissamut tamatuma sunik kinuneqaateqarsinnaanera paasiumasarsimallugu.

Pilersaarut maanna allakkiatigut saqqummiunneqarpoq, Nunanut allanut Naalakkersuisoqarfiup tusarniaassummik nassiussineratigut.

Tassani atuarneqarsinnaavoq, Naalakkersuisut Savalimmiuni periuseq malillugu Parisimi isumaqatigiissummut ilanngukkusuttut.

Savalimmiunit 2016-imi nalunaarutigineqarpoq, 2015-imi decembarip qaammataani Parisimi silap  pissusaanut atatillugu  isumaqatigiissutigineqartumut peqataarusullutik. Nunat isumaqatigiissummut peqataasut, nuarsuarmi silap kissakkiartornerata agguaqatigiissillu 2 gradit ataatingaatsiarsimaneqarnissaanut aamma kissakkiartornerup 1,5 gradinut killilersimaarneqarnissaata sulissutigineqarnissaanut imminnut pisussaaffilersimapput.

- Silamut atatillugu tapiissutissaq Danmarkip anguniagaanut artukkiinngitsoq

Savalimmiut periuseq immikkut ittoq atorlugu isumaqatigiissummut ilanngussimapput, tassani danskit CO2-mik aniatitsinermi anugniagaannut Savalimmiut malinnissallutik psisussaaffilerneqarsimanngillat, akerlianik namminneq anguniakkaminnik nalunaaruteqarsinnaallutik.

- Inatsisit naapertugit tamanna isumaqarpoq, Savalimmiut nuna tamakkerlugu tapersiissutissaa aalajangeriigaq (NDC) Danmarkiumut nassiuttassagaa, taamalu Danmarkip EU-mut tapiliussatut aamma immikkoortutut nassiuttassagaa, allakkiami tusarniaassutigineqartumi allassimavoq.

Periuserlu tamanna Naalakkersuisunit malikkusunneqartoq, allakkiami allassimalluni:

- Taamaasiornikkut Kalaallit Nunaata nammineq silap pissusianut anguniagassatut siunniussat aalajangertassavai, Danmarkip/EU-p anguniakkatut pisussaaffiinit artukkersorneqarnani.

Periuseq misissorneqarsimanngitsoq

Allakkiaq naapertorlugu, Savalimmiuni periuseq Parisimi isumaqatigiissutip akuerineqarneranut atatillugu misissorneqarsimanngilaq:

- Kalaallit Nunaat nunatut nangaanartoqartitsinera pillugu Naalakkersuisut 2016- imi Danmarkimut nalunaaruteqannginnerminni, taamanikkut Naalakkersuisuusunit 2015-imi 2016-milu savalimmiormiut periusaat misissorneqarsimanngilaq qulaajarneqarsimananilu. Periuseq taanna Kalaallit Nunaata Parisimi isumaqatigiissummut ilanngunnissaamut periarfissaanut toqqammaviuvoq.

Allakkiami allassimasoq naapertorlugu, Kalaallit Nunaata Savalimmiuni periuserineqartoq assigalugu, silap pissusaanut atatillugu suliniutigineqartut qanoq kinguneqaateqassanersut nammineerluni aalajangersinnaavai:

- Inuiaqatigiinni- amma inuutissarsiornermi aningaasatigut kinguneqaataasussat eqqarsaatigalugit apeqqutaassaaq, suut silap pissusianut tapiissutissat Kalaallit Nunaata nammineerluni aalajangernerai, Namminersorlutik Oqartussat allakkiaanni allassimavoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER