Parabol-antenneqarfissaq Nuummi pilersinneqassasoq
Parabol-antenneqarfissaq Nuummi pinerluuteqarsimasunut inissiisarfiup nutaap eqqaaniittussaq qaammatialuit qaangiuppata suliaralugu aallartinneqassaaq.
Permagreeni Norgemi suliffeqarfik K-Sat peqatigalugu parabol-antenneqarfissamik pilersitsinissamut suliakkinneqarsimapput, antenneqarfissaq nunarsuarmi sumiiffiit allat 30-t peqatigalugit nunarsuarmi suliniummut ilaatinneqassaaq, tassa satellitsit 648-t nunarsuarmi sumiikkaluaraanniluunniit internetsimik sukkasuupilussuarmik atuiffiusinnaassapput.
Parabo-antenneqarfissaq maajip qaammataani suliaralugu aallartinneqassaaq, naatsorsuutigineqarlunilu oktoberip qaammataani naammassillugu suliarereerneqarsimassasoq.
Nunarsuarmi attaveqaqatigiittarnermi ingerlatseqatigiiffik OneWeb tassaavoq, satellitserpassuarnut nunamiit tigooqqaavissat 30-t akornanni Nuup ilaanissaanik toqqaasimasoq.
Satellitsit 34-t sisamanngorpat silaannarsuarmut aallartinneqassasut
Attaveqaqatigiittarfissatut suliniut milliarderpassuarnik akilik satellitsinik 34-nik sisamanngorpat aallartitsissaaq. Tamanna pissaat Kazakhstanimiittumi Baikonur Cosmodromemiit, raket satellitserpassuarnik usisoq tassanngaanniit silaannarsuarmut aallartinneqassalluni.
Satellitsit nunarsuaq kaajallattartussanngorlugu aallartinneqassapput, taamaalilluni nunarsuup avannaata tungaani issittoq atuuffiusinnaalersillugu, Londonimi suliffeqarfiup tusagassiorfinnut nalunaarutaani tamanna allassimavoq.
Satellitsit Frankrigemi Airbus Defence and Space suleqatigalugu suliarineqarsimapput.
OneWeb ilisimatitsivoq, sullitat nunarsuarmi sumiikkaluartulluunniit 2021-mi 5G-mik attaveqaateqalissasut. Issittoq misileraavissatut siullertut toqqarneqarsimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...