Pape: Politiit ikiortaat pitsaanerusumik atungassaqartinneqalissapput
Politiit ikiortaat ataavartumik sulisut napparsimanersiutinik, feriarnermusianik soraarnerussutisianillu pisartangaqalernissaat inatsiseqarnermut ministerip Søren Pape Poulsenip qulakkeerniarpaa.
Annonse
Tamanna inatsiseqarnermut misiterip Inuit Ataqatigiinneersumut Aaja Chemnitz Larsenimut akissuteqaataani allassimavoq.
Politiit ikiortaat tassaapput innuttaasut naliginnaasut uniformilerlutik politiit suliaanni assigiinngitsuni ikiuussinnaasut.
- Politiit ikiortaat ilaat piffissaq tamakkerlugu sulisartut 2018-imi Naalagaaffimmi Politiit paasivaat, taamaammat politiit ikiortaasa akissarsiaasa qulaajaavigineqarnissaat Naalagaaffimmi Politiit aallartippaat, Søren Pape Poulsen akissuteqarluni allappoq.
Tamanna qulaajaaneq pissutigalugu soraarnerussutisiassat napparsimanersiutillu ukioq manna kvartalip aappaani akilerneqarnissaat maanna ministerip neriorsuutigaa.