Paneeraq Olsen kommunimi politikkimut utertoq
Meeqqanut, Inuusuttunut Ilaqutariinnullu Naalakkersuisuusimasoq Qeqqata Kommuniani kommunalbestyrelsimi inigisaminut uteqqippq.
Paneeraq Olsen (N) Meeqqanut, Inuusuttunut Ilaqutariinnullu Naalakkersuisoqarfimmi ukiup affaani akisussaaffeqareerluni kommunimi politikkimut uteqqippoq.
Qeqqata Kommuniani borgmesterip Malik Berthelsenip kommunalbestyrelsi apriilip 28-ani ataatsimiimmat tamanna ilisimatitsissutigaa.
Paneeraq Olsen qinigaaffimmi matumani kommunalbestyrelsimut qiningaanikuuvoq, 2021-mili septembarip 27-ani Meeqqanut, Inuusuttunut Ilaqutariinnullu Naalakkersuisunngortinneqarami kommunalbestyrelsimi sulinngiffeqarnissamut qinnuteqarsimalluni.
Paneeraq Olsenip kommunalbestyrelsimut uteqqinnissaminik apriilip tallimaani qinnuteqarsimavoq. Borgmesterip qinnuteqaataa akuerisimavaa.
Paneeraq Olsen kommunalbestyrelsimut uteqqinnissaminik aalajangersimavoq, IA-p 2022-mi apriilip sisamaani aalajangermagu Naleraq taarserlugu Siumumik naalakkersuisooqateqarnissaq.
Ataatsimiititaliani pingasuni ilaasortanngortoq
Paneeraq Olsen apriilip 15-iani uterami Qeqqata Kommuniani ataatsimiititaliani pingasuni ilaasortaaffeqalersimavoq.
Ataatsimiititaliat pineqartut tassaapput:
- Aningaasaqarnermut Ataatsimiititaliami ilaasortaq
- Atugarissaarnermut Ataatsimiititaliami ilaasortaq
- Teknikkeqarnermut Ataatsimiititaliami sinniisussaq