Paneeraq Olsen Inatsisartuni ilaasortanngortinneqartoq
Paneeraq Olsen Inatsisartuni Emanuel Nûko taarserlugu ilaasortanngorpoq.
Sapaatip-akunnerani kingullermi saqqummiunneqarpoq, Naleqqameersup Emanuel Nûkop inatsisartuni ilaasortatut unnerluutigineqarsinnaannginnera atorunnaarsinneqartoq, taamaalillunilu eqqartuussaasinnaanngortoq.
Politikkeri tamatuma saniatigut Inatsisartunit sulinngiffeqarnissamik qinnuteqarsimavoq.
Suliap kinguneranik naalakkersuisuusimasoq Paneeraq Olsen pingasunngornermi Emanuel Nûkomut sinniisutut issiatinneqalerpoq.
Qinigaanerup misilinneqarnissaanut ataatsimiitsitaliamit Paneeraq Olsen ivertitsinermut atatillugu qinigaasinnaasutut akuerineqarsimavoq.
Paneeraq Olsen IA Nalerarlu naalakkersuisuutitaqarmata Meeqqanut, Inuusuttunut Ilaqutariinnullu Naalakkersuisuusimavoq. Naalakkersuisooqatigiinneq apriilimi atorunnaarsinneqarpoq, tassungalu atatillugu Paneeraq Olsen Qeqqata Kommuniani kommunalbestyrelsimi ilaasortatut atuuteqqilerluni.
Emanuel Nûko suna pillugu eqqartuussaaniarnersoq suli ilisimaneqanngilaq.