Kalaallit Nunaat sinnerlugu nipilersornermik unammisitsinermi "Pan-Arctic Vision" peqataapput nipilersoqatigiit NUIJA, Nuummi najugallit. 

Aaqqissuisut aammalu aaqqissuussamik nutaajulluinnartumik isumassarsillutillu piginnittut, Nordting, Norgep avannaaneersut toqqassapaasuk unammisitsineq taanna aappaagu ingerlaqqissasoq, taava Katuaq aaqqissuisoralugu illutaliisoralugulu Pan-ArcticVision Nuummi ingerlaqqissinnaassaaq:

- Aaqqissuussaq maanna nalilersuleruttorparput, torrallatarujussuuvoq, aamma issittormiut nipilersugarpassuinik nuannerluinnartunik tusarnaarpugut, isumarpullu naapertorlugu soorunami aaqqissuussineq ingerlaqqinnissaminut periarfissaqartariaqarpoq, Asmus Sjølie Sveen, Nordting-ip aaqqissuussinermi pisortaasoq nuannaaqaluni Sermitsiaq.AG-mut oqarpoq.

Katuaq aaqqissuussanut taamaattunut sapiutinngilaq Katuaq 

Katuap pisortaa, Arnakkuluk Jo Kleist erseqqissaavoq kulturikkut illorsuaq Pan-ArcticVision-itut angissusilinnut aaqqissuussisinnaalluartoq:

- Siullermik NUIJA-kkormiut pilluaqquagut ajugaammata qutsavigaagullu nunarput sinnerlugu aaqqissuussami tassani peqataasinnaammata kusanaqisumillu angusaqarmata. Massakkoqqissaaq Nordting utaqqeqqaalaarparput, taakkumi aaqqissuisuullutillu isumassarsiamut piginnittuummata, taakku aalajangernerat aallaavigalugu siunissami qaninnermi paasinarsissaaq aaqqissuussaq ingerlaqqissanersoq, taamaattoqassappallu, aap Katuami aaqqissuussat taamaattut ingerlanneqarluarsinnaapput, Arnakkuluk Jo Kleist Sermtisiaq.AG-mut oqarpoq.

Så spørgsmålet om en arktisk melodi grand prix skal fortsætte fremover er et spørgsmål der endnu ikke findes svar på, men Nordting og Katuaq er indstillet på en fortsættelse.