Skip to main content

Palle Jerimiassen Siumumit anivoq

Borgmesteriusimasup Palle Jerimiassenip Facebookikkut nalunaarutigaa, partii Siumut qimallugu attaviittutullu ingerlaqqinniarluni.

Avannaata Kommuniani Siumumi taaguunneqarluarsimasut marluk borgmesterinngorniunneranni ulluni marlussunni aaqqiagiinngittoqareersoq, borgmesteriusimasup Palle Jerimiassenip partiini - Siumut - qimanniarlugu aalajangersimavoq.

- Ippassaq ullaakkut aalijangerpunga, naatsorsuutigisimanngisaannaraluarpara tassunga killissallunga, Siumut partii qimanniarlungu. Inuttut nammineq uannut illersorniarlunga ilaquttakkalu illersorniarlugit taamaasiorpunga, taanna allappoq.

Inunnut tusagassiortunullu aalijangernini ataqqeqquaa, allallunilu ilaquttanilu eqqissisimaffeqalaarnissaq pisariaqartillugu, taamaammallu aatsaat ataasinngorpat oqaaseqarsinnaalluni.

Maanna parteeqatigiunnaagaa Minik Høegh-Dam amerlanerpaanik taaguunneqarsimnini pissutigalugu borgmesterinngortussatut ilimanaateqarpoq, partiimi Avannaata Kommuniani kommunalbestyrelsimi 17-inik ilaasortaatitaqartumi qulingiluanik issiatitaqartussaavoq.

Minik Høegh-Dam siullermeerluni aatsaat qinigassanngortissimasoq qinigaalluarluni 406-inik taaguunneqarsimavoq, Palle Jerimiassen 338-nik taaguunneqarsimasoq.

Palle Jerimiassenip Facebookikkut saqqummiussinermi erseqqissaatigaa kommunimi politikkeritut ingerlaannarnissani.

- Attaviittutut inissippunga suleqataarusuttullu tamaasa tikilluaqquakka. Imaassanngilaq Siumumiit aningama suleqatikka qimaannarikka, naamik, suli taannaavunga allanngorunnanngilanga ilissinnut, inuuninni suli inissaqartuarpusi, taanna allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER