flytter til Danmark

Palle Christiansen nunatsinni politikkimit tunuassaaq

Demokraatineersup Anda Uldumip Palle Christiansen Inatsisartuni kingoraassavaa

Palle Christiansen nunatsinni politikkimit tunuassaaq - tamatumuuna

Tamanut saqqummiunneqarpoq!
Demokraatit tunuliaqutaralugit Inatsisartunut ilaasortaq Palle Christiansen nunatsinni politikkimit tunuassaaq - Danmarkimullu nuulluni.
– Misigisimavunga 2001-imi politikkikkut anguniakkakka angusimallugit, sivisuumillu pilersaarusiorsimavara tunuarnissara. Danmarkimi kigutit nakorsaattut tamakkiisumik sulilissaanga, Græstedimilu (Sjællandip avannaani, aaqqiss.) kigutileriffimmi piginneqataalersimavunga. Politikkili qimavissanngilara, Danmarkimi Liberal Alliancemut ilaasortanngorpunga, tassanilu liberalimik inooriaatsimik isiginninnermik sorsuutiginninnera nangissavara, Palle Christiansen tusagassiorfinnut nalunaarutikkut oqarpoq.
Palle Christiansenip Inatsisartunit tunuarnissaanik nutaarsiassaq saqqummiunneqarpoq ukiakkut ataatsimiinnerup ullormi aallartiffiani.
Parteeqataata Anda Uldumip Palle Christiansenip Inatsisartuni inaa tigussavaa.
Ataavartumk tusatsiakkat kingorna tunualerpoq
Palle Christiansen, isummaminik saqqummiussinissaminut attassiinnarnissaminullu qungunngisaannartoq, Inatsisartunut ilaasortaajunnaassaaq oktobarip 2-anni. Pingaartumik piffissami kingullermi tunuarniartoq ataavartumik tusatsiarneqartarsimavoq, taamaattumik nutaarsiassaq tupaallannarpallaanngilaq, ullua eqqumiikujukkaluartoq.
Palle Christiansen qinigaaffimmi kingullermi aningaasaqarnermut Naalakkersuisutut aallartippoq, appartinneqarlunili ilinniartitaanermut, ilisimatusarnermut nunanilu avannarlerni suleqatigiinnermut Naalakkersuisutut, Air Icelandimik pisimasoq pissutigalugu.
Annertunerusumik atuarit uani "Palle: Taamaattumik nunamit aallassaanga"
aamma "Palle: Imatut assigiinngisitsisimavunga"

Powered by Labrador CMS