Skip to main content

Palasi kinguaassiuutitigut kanngunartuliortutut akiligassinneqarpoq

Avannaani palasi anaanamik inuusuttumik kanngunarsaasimasutut pineqaatissinneqarpoq. Taassuma meeqqani kuisitsinnissaanut allatsinniarsimavaa

Anaanaq 20-nik ukiulik 5.000 koruuninik taarsiiffigisassanngortinneqarpoq, februaarimi Qeqertarsuarmi palasimit kanngunartuliorfigineqarnermi kingorna. Taanna februaarip 4-aanni palasimukarsimavoq naalungiarsuummi kuisinnissaa allatsikkiartorlugu, palasimilli kanngunartuliorfigineqarsimalluni.
– Kusanaqigavit, palasi oqarpoq assanilu arnap seeqquanut piseriarlugu uppataatigut attuualaalersimallugu.
Assani uppataanut unitseriarlugit arnaq qungasiatigut saamiatungaatigut kunippaa.
Arnap pisimasoq tamanna ulloq taanna politiinut nalunaarutigaa, Eqqartuussivillu pisimasumi aalajangeeqqammerpoq.
Palasi, kingorna atorfimminit tunuarsimasoq, ukiup ataatsip iluani kanngunartulioqqikkuni ulluni 14-ini pinerluuteqarsimasunut inissiisarfimmiittussanngortinneqarpoq kiisalu arnamut 20-nik ukiulimmut 5.000 koruuninik akiliisussanngortinneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER