Nuuk

Paddy Kellyp tusarnaartitsinissaanut isissutissat nungupput

The Kelly Familymi nipilersoqataasarsimasup tusarnaartitsinissaanut isissutissat nunguttut Katuap nalunaarutigaa sisamanngornermi

The Kelly Familymi nipilersoqataasarsimasup Paddy Kellyp kulturikkut illorsuarmi Katuami Nuummiittumi tusarnaartitsinissaanut sisamanngornermi septembarip aqqarngani pisussami isissutissat 558-it tamarmik pisiarineqareerput.

Katuamit Minik Hansen Sermitsiaq.AG-mut oqarpoq.

Hans Lyngep inersuaani tusarnaartitsinissami isissutissanik tuniniaanerit ippassaq pingasunngornermi pisiarineqarsinnaanngorput.

Katuami tusarnaartitsinissaq sakkortusaasersugaanngitsumik pissaaq qulequtaqarluni ’Solo & Unplugged’ tassanilu Paddy Kelly kisimiilluni tusarnaartitsissaaq. Erinarsuutip ’An Angel’ anaanani Barbara Kelly 1982-mi toqusoq pillugu taalliaraa, taanna nunarsuaq tamakkerlugu ilisimaneqarpoq. Tassungalu Paddy Kelly erinarsuummik ’An Angel’-mik sanasuuvoq.

Powered by Labrador CMS