Paddy Kelly Nunatsinnukaqqissaaq

The Kelly Familymi nipilersoqataasarsimasoq, Paddy Kelly, siorna Nuummut tusarnaartitsiartorami nuannarineqarluarluni marloriarluni tusarnaartitsivoq.

Maanna Nunatsinni tusarnaartitseqqinniarluni pilersaarusiorpoq, Facebookimi quppernermini tamanna ilisimatitsissutigaa.

Tusarnaartitsineq
Aappaagu angalalluni tusarnaartitsisaqattaaleruni filminngorlugit immiunneqarnissaat taassuma oqaatigaa, aammalu Schweiz, Østrig, Polen, Holland kiisalu Kalaallit Nunaat tikissallugit nalunaarutigaa.

Tusarnaartitsinernit immiussat dvd-iinngorlutik saqqummissapput.

Tusarnaartitseqqittoq
Paddy Kelly siorna Nuummi tusarnaartitsimma immikkut misigisaqartitsivoq, tusarnaartitsinermi saniatigut tusarnaartitseqqippoq, tusarnaartitsineranut siullermut billetsisiumasut amerlanerat pissutigalugu.

Taassuma ilaatigut erinaq 'An Angel' , 1990-ikkunni nunarsuaq tamakkerlugu nuannarineqarlualertoq tusaamasaassutigaa. Mattuffimmeereernermi kingorna kisimiilluni nuuteeraliornikuuvoq. Kelly Family 2004-mi qimappaa, teologiimik ilinniarluni mattuffimmiilernini pissutigalugu.

Atuaruk: Paddy Kellyp tusarnaartitsinissaanut isissutissat nungupput

Atuaruk: Assit takukkit: Paddy Kelly nuannisartitsersuaartoq