Skip to main content

Paasititsiniaaneq oqallinnerlu katsorsaataasinnaapput

Inatsisitigut ataataqanngitsuunerup inummut sunniutai tamanut aammasumik oqallisigineqarnerat katsorsaataasinnaapput

Meeraanermi ikkatigisaaneq. Assigiinngisitsineq aamma inersimasuunermi nipangiussiinnarneq:

Inatsisitigut ataataqanngitsorpassuit taama pineqartarput. Innummut sunniutit pillugit nalunaarusiap tamanna takutippaa.

Aamma atuaruk: Kanngusunneq, nipangersimaneq assigiinngisitsinerlu

Tamanut ammasumik oqallinneq
Amerlasuullu ikitik ulloq manna tikillugu nassataraat.

- Amerlasuut ajornartorsiutitik eqqarsaatersuutigissallugit sapersaatigisarsimavaat, nipangiussiinnarneq pigiliutiinnaganngorsimavoq, tassalu namminneq imminnik isiginninnerannut ilaalersimalluni, nalunaarusiaq inerniliivoq.

Naalakkersuisut maanna nipangiusimanninneq taamaatinniarpaat. Tamanut ammasumik oqallissaarinerup inatsisitigut ataataqanngitsutut peroriartornermi kinguneri qaqinneqassapput. Isumaginninnermut ilaqutariinnermullu naalakkersuisup, Sara Olsvigip (IA) tusagassiortunik katersortitsinermi tamanna oqaatigaa.

Ammasumik akuerinninneq pingaaruteqartoq
Tamanna nalunaarusiami kajumissaarutigineqartunut toqqaannaartumik attuumassuteqarpoq, tassani inatsisitigut ataataqanngitsorpassuit ajornartorsiutigisarsimasaat pillugit paasititsiniaasoqarnissaanik siunnersuuteqartoqarpoq.

- Atukkatik pillugit innuttaasunit ammasumik akuersaarneqarnissap inatsisitigut ataataqanngitsunut amerlasuunut pingaaruteqarnera tamatumunnga pissutaavoq, nalunaarusiamik allattut isumaqarput.

Najukkani ataatsimiinnerit oqaluttuarnerillu katsorsaataasut
Ilinniarsimasut angalallutik inatsitigut ataataqanngitsut ilaqutaallu naapinnissaat, suliniutit taakku ilagisinnaagaat siunnersuutigineqarpoq. Inatsitigut ataataqanngitsut allat angalanerni taakkunani maligassiuisutut ilaasinnaapput, innuttaasunik ataatsimiititinernut, aamma eqqumiitsuliornikkut ingerlanneqarsinnaallutik.

Tamatuma saniatigut aamma psykolog Amalia Lynge Petersenip nalunaarusiami tikkuarpaa, oqaluttuatut katsornartutut ilusiligaasinnaasoq, inatsisitigut ataataqanngitsut oqaluttuassartatik piviusulersaarutitut oqaluttuarisinnaallugit.

Tamanna periuseq Australiamit ilisimaneqarpoq, tassa nunap inoqqaavisa oqaluttuassartatik taamatut oqaluttuarinikuummatigit.

Oqaloqatiginnilluni katsorsagaaneq
Inatsisitigut ataataqanngitsut taamatut paasititsiniaanikkut ikiorneqarsinnaasut nalunaarusiami nalilerneqarpoq, kisianni tamarmiunngitsoq.

Tassani ataasiakkaarluni oqaloqatiginnilluni katsorsagaanermut pisariaqartitsisoqassaaq.

- Arlallit oqaloqatigiittarluni katsorsarneqarnissamut pisariaqartitsissasut naatsorsuutigineqartariaqarpoq. Imaassinnaavoq pingasuniit tallimariarluni paasinarsisitsisumik ikorfartuisumillu oqaloqatigineqassasut, imaluunniit tarnikkut katsorsarneqavillutik oqaloqatigiinnerit 10- 20 atorlugit, taama siunnersuuteqartoqarpoq.

Naalakkersuisut siunnersuutigineqartoq tamanna aamma malinnialerpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER