Skip to main content

Paasissutisseeqqinneq: Seqerngup pulannginnerani Nuummi sila pitsaavallaanngitsoq

Tallimanngornerup ullaavani sila nalinginnaasumit taarnerusinnaavoq. Tassami seqineq pulassaaq

Tallimanngorpat nalinginnaanngitsumik pisoqarfiussaaq. Issittumi malunnaatilimmik seqineq pulavoq kingullermik 1999-mi. Seqerngup pulanera takuniaraanni itiaartoqartariaqarpoq, aamma silap pitsaanissaa neriuutigisariaqarpoq. 

Seqerngup pulaneranut atatillugu suliffeqarfik AirZafari periarfissiivoq. Tassami timmisartuutileqatigiiffik Nuummi Ilulissanilu ullaata tungaani seqerngup pulanerani timmisartuussissaaq. 

Nuup eqqaanut Kingittorsuarmut qulimiguulimmik angallassisoqassaaaq. Tassani champagnertortoqarsinnaalluniluunnit kaffisortoqarsinnaavoq. Pisoq qaangiuteriarpat utimut angallassisoqassaaq. Inuit amerlanerpaamik qulit peqataasinnaapput. 

Ilulissani AirZafarip angallassinerani inuit 15-t peqataasinnaapput. 

- Pisussamut nalinginnaasuunngitsumut angallassinissarput qilanaaraara, inuimmi nalinginnaanngitsumik misigitinneqartussaapput, AirZafarimi piginnittoq Jens Plough Larsen oqarpoq. 

Sermitsiaq.AG-mit assiliisumik tusagassiortumillu ilaqarluni peqataatitaqassaaq. 

Seqerngup pulaneranut paasissutissaat:

  • Isitit sianigikkit

Isivit paarilluarnissai eqqaamasariaqarpatit. Seqinersiutimmi naammanngillat seqerngup pulanera takuniaraanni. Seqerngup tungaanut isigissagaanni illersuuteqarluartariaqarpoq. 

Seqerngup pulanera qaqagu takuneqarsinnaassava?

  • Nuummi seqerngup pulanera malunnarnerpaaassaaq nalunaaqutaq 06:31. Seqerngup pulanera nalunaaqutaq 05:37 aamma 07:27 akornanni pissaaaq. Kisianni seqineq aatsaat nalunaaqutaq 06:27 nuissaaq, taamaalineranilu aatsaat takuneqarsinnaassalluni. Kangiata nalaanit takussagaanni pitsaanersaassaaq. 
  • Ilulissani seqerngup pulanera malunnarnerpaassaaq nalunaaqutaq 06:40. Seqineq pulassaaq nalunaaqutaq 05:46 aamma 07:37 akornanni. Ilulissani seqineq nalunaaqutaq 06:23 nuissaaq. Kangiata tungaani seqerngup pulanera takuneqarsinnaassaaq.
  • Kangerlussuaq: Seqineq pulanerpaassaaq nalunaaqutaq 06.36. Nalunaaquttap 05:42-p aamma 07:33-p akornani seqineq pulassaaq. Seqineq nalunaaqutaq 06:24 aatsaat nuissaaq.
  • Ittoqqortoormiini seqerngup pulanerata tamaat malinnaaffigineqarsinnaassaaq. Seqineq pulassaaq nalunaaqutaq 07:49 aamma 09:49 akornanni. Seqerngup pulanera malunnarnerpaassaaq nalunaaqutaq 08:48. Kitaata kujataata missaani seqerngup pulanera malinnaaffigineqarsinnaassaaq. 

Qaammatip seqerngup qinngornerinik assersuinera

Seqerngup pulasarnera akuttusuumik pisarpoq. Kingullermik 1999-mi seqineq pulavoq, tullianilu 2021 juunip qulingani pissalluni. Seqerngup pulanera tamaat Savalimmiuni takuneqarsinnaassaaq minutsini marlunni. 

Seqerngup pulaneranit assilisatit nassiutikkit
Seqerngup pulanerani assiliissaguit assilisatit Sermitsiaq.AG-mut nassiussinnaavatit, aamma pisoq qanoq misiginerlugu naatsumik allassinnaavat. Isivit paarinissai eqqaamallugu - assit nassiussatit kimit assilineqarsimanersut aamma qanga sumilu assilineqarsimanersut nalunaarsorneqassapput. Assiliisup aqqa tamaat allanneqassaaq. Uunga nassiussissaatit: redaktion@sermitsiaq.ag

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER