Skip to main content

Paasisimasallit: Atuarfinni millioninut ullaakkorsiortitsisarnerit akilersinnaapput

Atuartut atuarfimminni ullaakkorsioraangamik ilakkagaqarnerusarput, ataatsimuussusermillu misigineq nukittortissinnaavaat, paasisimasallit isumaqarput

Unnuakkut sivisuumik sinereerluni aak sukkukilliortarpoq, timilu biilimut orsussaarussimasumut assersuunneqarsinnaavoq. Taamaattumik ullaakkorsiorneq pingaaruteqarpoq.

Minnerunngitsumik meeqqat atuarfiini atuartut, ullormut takisuumut eqeersimaarnissamut aamma ilikkagaqarsinnaanermut piginnaasaminnik pisariaqartitsipput.

Inuussutissanik ilisimasaqartoq Marie Steenberger taama oqarpoq, taamaammat naalagaaffiup akiligaanik meeqqat atuarfiinut ullaakkorsiutinik sassaalliuteqarnissaq pitsaasuusoq isumaqarpoq, tamanna qallunaat Folketingimi politikeriisa ulluni makkunani oqallisigaat.

- Meeqqat amerlavallaat ajortumik ullaakkorsiortarput imaluunniit ullaakkorsiunngitsoortarput, taamaalillutik assut aallartinnerliortarput. Ullaakkorsiorneq pingaarnersaat ilaanniippoq, tamanna meeqqanuinnaanngitsoq tamatsinnut atuuppoq.

- Meeqqat ullaakkorsiornikuunatik atuariartortinneqarunik, eqqarsarsinnaanerat killeqartarpoq, qasulertarput isumalulerlutillu, ilikkarsinnaassusaallu appariarujussuartarpoq, taanna oqarpoq.

Professor Bent Egberg Mikkelsen Aalborg Universitetimeersoq naapertorlugu, nerisitsinermut aaqqiissutit ataqatigiinnermut ilinniartitsinermullu atorluarneqarsinnaapput. 

- Sverigemi, Finlandimi aamma Estlandimi ataatsimoorussanik nerisitsinermut aaqqiissuteqartoqarpoq. Nerisassanik pitsaasunik sassaalliuteqarneq, nerisassanik pitsaasunik ilinniartitsineq kattunneqarsinnaappata ilinniartitsinermik pitsaasumik taava sakkussaqartoqassaaq. Meeqqat atuarfianimi misileraanikkut ilinniarneq tunngaviuvoq.

- Aammalu ingilluni ullaakkorsioqatigiinneq inuusuttunut nalitoorujussuusinnaavoq. Taamaalilluni akuulluartoqarsinnaavoq, taanna oqarpoq.

Taamatuma saniatigut ulloqeqqasiornermut assersuutigalugu, ullaakkorsiutinik sassaalliuteqarneq aningaasanik sipaarfiusinnaavoq.

- Nerisitsinermik aaqqiissutit akisupput, taamaammallu ullaakkorsiortitsinerup eqqunneqarnera pitsaasuusinnaavoq, akikinneruvoq, Bent Egberg Mikkelsen oqarpoq.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER