Skip to main content

Paasisimasalik: Danmark EM-imut anngutinngippat ajutoornerussaaq

Jan Kalborgip - makitsinermi sukalasuut makinneqaraluartut - Danmarkip 2016-imi EM-imut anngunnissaa neriulluarfigaa

Qallunaat arsaalluni nunanut allanut unammisartui makitsinermi iluatsitsivallaanngillat, sapaatiummat 2016-imi EM-imut anngunniunnissamut makitsisoqarmat. Danmarkip gruppeqatigai Portugal, Serbia, Armenia aamma Albania.
DR-ip paasisimasalittut kommentatoria Jan Kalborg isumaqarpoq qallunaat makitsinermi iluatsitsinngeqisut, saammarsaatigaali holdit 24-it annguttussaanerat.
– Ajutoornerussaaq anngunniunnermit ingerlaqqinngitsuussagaluarutta. Morten Olsen sungiusaasoralugu pissartanngorniunnernut annguteqqittalernissatsinnik neriuuteqassagutta EM-imut annguttariaqarpugut. Soorunamilu anngutissaqqaarpugut. EM-imi peqataajumaarpugut. Tamanna qularutissaanngilaq, Jan Kalborg Ritzau-mut oqarpoq.
Kissaatiginartikkaluarpaali Danmarkip gruppimut piuminarnerusumut pisimanissaa.
– Eqqanaraluttuaq. Kissaatiginarnerpaanngilaq. Ersissutigineqarsinnaasmit ajornerujussuuvoq.
– Serbia unammisassatut kissaatiginanngilaq. Qanorpiaq sukalatiginersut ilisimaneqanngilaq. Unammillaqqissorpassuaqarput. Qallunaanut iluaqutaasinnaavoq ataatsimuullaqqinnerugatta, taanna naliliivoq. Akerlianik Portugal, seedningslag 1-imeersoq, ajorinngilaa.
– Spania sapertaripput Portugal ajugaaffigisarparput. Uagutsinnut naleqqulluarput, oqassaangalu unammigaangatsigit iluatsitsisarsimagatta. Kiap eqqaamanngilaa Portugalimi unammineq nuanneqisoq, unamminerup ilarujussua ilungersortitaareerluta naggataatigut ajugaagatta (2008-mi 3-2-mik, aaqqiss.).
Siusinnerusukkut anngunniunnermi gruppimit kakkannerit marluk annguttarput. Maannali normu 3-ngortoq aamma annguttalerpoq, sinneruttullu arfineq-pingasut playoff-imi unammissapput, inissat sinneruttut sisamat pilerngullugit. Pissartanngorniunnermi gruppit arfiniliussapput, gruppinit tamanit kakkannerit marluk 1/16-finalinut ingerlaqqittassallutik. Tamatuma saniatigut normu 3-ngortut pitsaanerpaat ingerlaqqinniuttassapput. 2016-imi aasaakkut pissartanngorniunneq Frankrigimiingerlanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER