Skip to main content

Paasisaq: Taamaattumik appat kujataani toquinnarsimapput

Appat kujataani martsimi toquinnartut Danmarkimi inuussutissalerinermik misissuisarfimmi misissorneqareersimalerput

Kujataani appat toquinnartut timmissat nappaataannik H11N2-mik nappaateqarsimapput. Taamaattoq inuussutissalerinermumut misissuisarfimmi Danmarks Tekniske Universitetimi DTU qularnaatsumik paasineqanngilaq sunarpiaq toqqutigisimaneraat, Nunatsinni inuussutissalerinermut nakkutilliisoqarfik nalunaarpoq.

Atuaruk: Apparpassuit sooq toquinnarnersut ilisimaneqanngilaq

Kujataani piniartut martsip qaammataani appat toquinnarsimasut arlallit siumorpaat. Timmisat toquinnartut saluttuararsuupput, taamanikkulli ilisimaneqanngilaq suna toqqutigisimaneraat. Appat toquinnarnikut tallimat Danmarkimi inuussutissanik misissuisarfimmi misissoqqissaagassatut nassiunneqarput maannalu tassa misissuinermit inerniliisoqarpoq.

Atuaruk: Nersutit nakorsaat: Appat toquinnarnikut attoqinagit

Inuit tunillatsinngillat
- Misissuinermi timmissat nappaataat napparsimavallaartitsisuunngitsoq subtype H11N2 nassaarineqarpoq. Virusip napparsimavallaartitsisuunnginnera ima paasisariaqarpoq napparsimalissutaarujussuarneq ajortoq. Timmissat nujuartat napparsimavallaartitsisuunngitsumik nappaateqartarnerat nalinginnaasuuvoq, Nunatsinni inuussutissalerinermik nakkutilliisoqarfik nalunaarpoq.

Atuaruk: Appat toquinnarnikut Danmarkimut nassiuppaat

Qujanartumik appat kujataani toquinnartut nappaatigisaannik inunnik tunillatsittoqarsimanngilaq.

Atuaruk: Piniartoq: Aalisapilunnerup appat perlerartippai

- Inuit virusimik taassuminnga timmissanit tunillatsissimasunit timmissat nappaataannik tunillatsissinnaanerat annikitsuararsuuvoq, Nunatsinni inuussutissalerinermik nakkutilliisoqarfik nalunaarpoq.

Inuilli appanik nerisassiortut erlaveersereeraangamik eqqaamaqqissaartassavaat qaqusaaserlugu assaat asalluartarnissaat. Inuussutissalerinermut nakkutilliisut aamma inassutigaat appat erisarnagit ameertarnissaat pujoralaannginnerussammat aammalu ooqqissumik igasarnissaat inassutigalugu.

Appanik toquinnarnikunik siumuisoqaqqissappat inuussutissalerinermut Nunatsinni nakkutilliisoqarfik ilisimatinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER