Kunngikkormiut tikeraarnerat

Paamiunit assit: Nuannaartut eqqissisimasullu

Kunngikkormiusut ataqqinassusillit Paamiuni ilaatigut immami sikkilertinneqarput

Kunngikkormiusut ataqqinassusillit ilaqutariinnut sullissivimmukartillutik assilineqartoq Leiff JosefsenKunngikkormiut umiarsuaat Dannebrog Paamiut talittarfiannukartoq Leiff JosefsenMeeqqat kunngikkormiut tikinnissaannut utaqqisut Leiff JosefsenNuannisaqatigiinneq, pingaartorsiorneq, tupigusunneq allarpassuillu Leiff JosefsenPrinsesse Isabella Josephinellu inuppassuit qimerlooraat Leiff JosefsenKommuneqarfik Sermersuup borgmesteriata tulliata Anda Uldumip tikittut tikilluaqquai Leiff JosefsenKunngissap nuliata Maryp meeqqat ilassiortorai Leiff Josefsen Leiff Josefsen Leiff JosefsenPrinsesse Isabellap qatanngutimi assai paarigai Leiff JosefsenImmami sikkilerneq Leiff Josefsen Leiff JosefsenMeeqqat stafetsertinneqarneranni Christian peqataavoq Leiff JosefsenUummataasamik sanasoqarpoq Leiff Josefsen

Kunngikkormiut umiarsuaat Dannebrog Paamiunut nalunaaqutaq 11.00 tikippoq. Inuillu takusaasut amerlaqaat. Inuilli malunnarpoq ittoortuusut. Nipituallaanngitsumik qiimmattarlutik nilliasarput. Paamiormiulli kunngikkormiusut ataqqinassusilinnik tikeraarneqarnissartik qilanaaraat.

- Meeqqat takunissaat qilanaarinersaavarput, Paamiormiut arnartaasa ilaat oqarput.

Ilaqutariinnut sullissivik kiisalu pitsaaliuinermut allaffeqarfik kunngikkormiut takusarpaat, aammalu angajoqqaanngoqqammersut ilasseqatigineqarlutik. Timmisartoqarfiup tungaani tasermi immami sikkilertinneqarput. Prins Vincentili peqataanngilaq, umiarsuarmukaanneqareerpormi.

Ilaqutariilli immami sikkilernertik alutorsaatigeqaat. Prinsesse Josephinep ilaatigut anaanani oqarfigerpallappaa:' Illit aamma tukkartarniarit, ikiuinnarpakkit'.

Prins Christianip qeqertaaranngualiarnissani siunniuppaa. Sivitsunngitsoq qatanngutaa Isabella aggerpoq. Marluullutik qeqertameeqatigiilaarput.

Ullup sinnerani assigiinngitsunik pisoqarpoq, meeqqat stafetsertinneqarput Christianip peqataaffigisaanik. Assileqatigiittoqarpoq - assit ataani takukkit - kaffillertoqarluni illoqarfimmilu biilertoqarluni. Tassanngaannit umiarsuaq Dannebrog angalappoq Qeqertarsuatsiaanukarluni.

Assit ataani takukkit

Powered by Labrador CMS