Paamiuni ikuallanneq ajunaarfiusoq: Inuit innermit annaappagut
Inuusuttut sisamat, nangikkiartunut iseqqusaanngitsut, inissiamit ikuallattumit inunnik aniasunik ikiuippput.
- Matu inissiami quleriit tullianiittumi, nangikkiarfigisaraluatsinnilu, matullutigullu inissiami allermiittumi ikuallappaluk tusarparput.
Taama Mina K. Leander aviisimut AG-mut oqaluttuarpoq.
Taanna, aappaa ikinngutaallu marluk illoqarfimmi ataasinngornermi unnukkut imerput, ullaassakkullu marlup missaani nangikkiarlutik inissiamut nutaanngitsumut, qisummillu sanaajusumut, ornigukkaluarput. Kisianni iseqqusaanngillat. Inuimmi 14-it kisimi inissiameeqqusaasimapput.
Ikuallattullu pujua ussittoq inissiaqarfimmi sukkasuumik siuaruaappoq.
- Ikuallattoq paasigatsigu ingerlaannarluta iliuuseqarpugut. Ikuallattoqarnerani kalerrisaarut tooriartoraluarparput, ajorporli. Taava ilagisatta politiit aamma qatserisartut kalerrillugit sianerfigai, ilagisarpullu alla aamma tummeqqanik nassaapallappoq.
- Tummeraq inissiap saneraanut napparpaa, inissiap ikuallattup sinittarfiata eqqaanut. Inuit marluk pissittut, sinneri tummeqqakkut aterput, Mina K. Leander oqaluttuarpoq, nangillunilu:
- Inuusuttut eqqissisarpakka, aamma angut, talimigut uutitersimasoq, ambulancit ulappummata napparsimavimmut ingiallorparput.
Mina K. Leanderip oqaluttuarivaa nammineq ikinngutinilu ullaassami annaassinialeriataarnertik imminerminnut tupannarsimasoq.
Aviisimi AG-mi allaaserisaq tamakkerlugu atuarsinnaavat. Aviisi uani pissarsiariuk: