Puisinut akerliuniarneq
Oscar-imik ingerlatsisoq ´puisaasat´ akerlilerpaat
´Puisinniarneq uumasunik piniarneruvoq naakkittaannerpaaq inuppalaannginnerpaarlu naalakkersuisunit akuerineqartoq´. Taamatut oqarpoq Oscar-imik ingerlatsisoq. Tamanna canadami inuit akerlilerlugu ´puisaasanik´ nassiussuipput
Oscar-imik ingerlatasisoq Ellen DeGeneres ilalerneqarpoq ukioq manna Oscarinik agguaassinermi nalunaarami unnuk taanna Twitter-imi selfie-mik assip takutinneqarnerisa tamaasa mobiltelefonit meqqiat dollarimik ataatsimik aningaasaliisassasoq. Ellen DeGeneresip nammineq aalajangerniarpaa aningaasat sumut atussanersut. Nunarsuarmilu toqqagassanit tamanit aningaasat atorniarpai puisinniarnerup unitsinniarnissaanut.
Elle DeGeneres uumasunik nuannarinnittorujussuuvoq, puisinniarnerlu pillugu oqarsimavoq:
´Puisinniarneq uumasunik piniarneruvoq naakkittaannerpaaq inuppalaannginnerpaarlu, naalakkersuisunit akuerineqartoq´.
Taamatut oqarnera canadami inuit sakkortuumik akerlilerpaat. Oscar-ip selfie-nut akissutitut, assinik saqqummiussiput, nammineq puisitut atisalersorsimallutik.
Taamatut allappoq The Guardian.
Puisit qallunaat kalaallillu tusagassiorfiini sammineqarsimapput. Ilaatigut folketingimut ilaasortat ilaat qaammammi siusinnerusukkut dronningip kunngikormiuni qititsitsinerani puisinik kavassianik atormata. Aammali sammineqarpoq sapaatip akunnerata naanerata siuliani piniartut tapersersorniarlugit Inuit Sila Højbro Plads-imi pisoqartitsimmat. Tamatuma saniatigut qallunaat aalisartut sulissutigaat puisit ikilisarnerqarnissaat, pisaminnik aserorterisarmata.