Orsussamik ajornartoorneq: Kangerlussuaq nunguttuulersoq
Kangerlussuarmi timmisartunut orsussamikamigaateqarnerup Air Greenlandip aningaasartuutaanikqaffatsitsivoq.
Ingerlatseqatigiiffik Air BP, Kangerlussuarmi timmisartunut orsussamik tuniniaasartoq Jet A1-mik nunguttuungajalerpoq, taanna orsussaq ilaatigut Air Greenlandip timmisartuminut atortagaraa.
Orsussamik amigaateqarneq pisoq ilungersunartuuvoq, ajornerpaamik pisoqarnerani Kalaallit Nunaannut tassanngaanniillu timmisartumik angallassinerit akornusersinnaavai. Maannali ajornartorsiut anneq tassaavoq, orsussamik amigartooqqajaanerup Air Greenlandip aningaasartuutaanik qaffatsitsinera.
Aviisi Sermitsiaq taamatut allappoq.
Pisoq Air Greenlandimi ernumassuteqartitsivoq, kisianni anigorneqarnissaa naatsorsuutigineqarpoq, Flight Operationsimi pisortaq, John Nielsen oqarpoq.
– Jet A1 fuel pissarsiarineqarsinnaasoq killeqartoq paasitinneqarpugut, taamaammallu timmisartumi aquttut mittarfimmit aallarfimminnit sapinngisamik orsussamik annerpaamik orsertarnissaannik piumaffigaagut – kiffartuussinerup pitsaassusaanut sunniuteqanngitsumik. Utimut orsussaqarnissaq pillugu ilaasunik imaluunniit nassiussanik niusisoqaqqusaanngilaq. Ilaasut allakkallu Air Greenlandimit apuunneqarnissaat pingaarnerpaatinneqarpoq.
Oqaluttuaq tamaat aviisimi Sermitsiami sapaatip-akunnerani matumani saqqummersumi atuaruk, ugguuna akiliillutit iserfigisinnaavat: