Nuuk
Orpik kissaateqartarfik uteqqippoq
Ukioq mannattaaq illoqarfiit pingaarnersaanni inuit meeqqanut juullimi tunissutisiassaqanngitsunut qiimmassalaagassanullu ikiuuteqarsinnaapput
Juullip tarninga naapertorluinnarlugu ukioq mannattaaq Nuummiut meeqqanut, juullimi tunissutisiassaqanngitsunut qiimmassaasiisinnaapput.
Orpik kissaateqartarfik Brugsenimi init quleriit siullianniissaaq, orpillu Esthers Børnehavemit pinnersarneqarsimavoq, kartonilu Grønlands Kontorforsyningimit tunniunneqarsimavoq. Tunissutit init quleriit siullianni NonFood-imut immikkoortoqarfimmi tunniunneqarsinnaapput.
Meeqqanut assigiinngisitsisoq
– Meeqqat pisariaqartitaasa sallersaatinneqarnissaannik paasinninneq nuannaarutigaarput. Taamaattumik uummammi kissaateqarfiusumi meeqqap aqqa allassimaneq ajorpoq. Taamaallaat sulisut tatigineqartut meeqqanut tunissutit ´tunniunneqarfissaat´ ilisimavaat, kajumissutsimiknik sulisoq Elise Bruun oqarpoq.
Nuummi orpik kissaateqartarfik 2010-mi pilersinneqarpoq Nini Almgren-Jensenip suliniuteqarneratigut. Taassuma oqaatigaa suliniut meeqqanut tamakkiisumik ajunngitsuliornerusoq, uppernarsaataalluinnartorlu innuttaasutut nalinginnaasutut meeqqanut assigiinngissuteqartitsisoqarsinnaasoq, immikkut qiimmassaasigassanut imaluunniit juullimi immikkut tunissuteqarfigilaagassanut.