Kujalleq
Oqummik akiunissamut millionit koruunit
Kommune Kujalliup kollegiat marluk iluarsartuutileruttorpaat oqoqarunnaarsinniarlugit
Annonse
Piareersarfiit kollegiaanni Nanortalimmi aamma Narsami Kommune Kujalleq annertuumik iluarsartuussinermik aallartitsivoq, illut oqoqarnerisa paasineqarnerata kingorna. Kommuni taama ilisimatitsivoq.
Silataani suliaqassasut
Nanortalimmi kollegiap iluatungaa iluarsaanneqaleruttorpoq, Narsamilu illup qalia piiarneqaleruttorluni. Upernaarulu silataani sulineq taakkunani aallartissaaq.
Kommuni kollegiani najugaqartut eqqugaasut neriffissaanik siniffissaannillu allanik periarfissinneqarsillugit aaqqiisimavoq.
Namminersorlutik Oqartussat iluarsaassinermut aningaasaliisuupput. Kommunip naatsorsuutigaa nutarterineq millionit sinnitsiarlugit akeqassasoq.