Skip to main content

Oquk akisooq

Ukiuni kingullerni pingasuni pisortat inissiaataanni oquk 77 mio. koruunit sinnerlugit aningaasartuuteqartitsisimavoq.

Peqqissutsimut ulorianartoq oquk pisortat inissiaataanniittuarsinnarput.

Paragraf 37 naapertorlugu apeqqummi Ineqarnermut Naalakkersuisoq Karl Frederik Danielsenip INI A/S-ip, Ineqarnermut Naalakkersuisoqarfiup aningaasartuutai Namminersorlutillu Oqartussat najugaqarfiinut tapiissutit ukiuni pingasuni kingullerni qanoq amerlassuseqalersimaneri saqqummiuppai.

Aningaasartuutit katillugit 77,35-upput, Karl Frederik Danielsen ilisimatitsivoq. INI A/S-imut aningaasartuutit 14,3 mio. koruuniusimapput. Ineqarnermut Naalakkersuisoqarfimmut aningaasartuutit 51,7 mio. koruuniusimapput, najugaqarfinnullu tapiissutit 11,3 mio. koruuniullutik.

Inissiat taartissaat

Maannakkut INI A/S aqqutigalugu attartortut aqqanillit attartukkatik oqoqarmata inissiat taartissaannik utaqqipput.

Oquk inummut qasutitsisinnaavoq, niaqorlutsitsisinnaavoq, anersaartornikkut ajoqusiisinnaavoq sapigaqarnermullu ersiutit assingusut, aammali ataavartumik ajoqusiinerit soorlu anernikilliortarneq sapigaqalernerlu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER