kulturi
Oqqaassaaraluni taalliortoq aqagu Nuummukassaaq
Yahya Hassanip Nuummi Nunatta Atuagaateqarfia pingasunngornermi pulaassaavaa
Pingasunngornermi unnukkut Nunatta Atuagaateqarfiani atuakkiortumik unnussioqateqartoqassaaq, Yahya Hassan peqatigalugu.
Qallunaaq palæstinamiunik siuleqartoq 2013-mi taalliat katersani siulleq saqqummersippaa, Digte, atuakkani atuarneqarnerpaat ilaannut ilannguttoq oqaatsinullu amerlasuunut nutserneqartoq.
Taalliortoq siorna Islandimiippoq, kulturfestivalimi Arctic Airwavesimi tusarnaartitsisarfimmi Harpami atuaareerluni ersaattaanneqarpoq.
Inuiaqatigiinnik isornartorsiuisoq
Yahya Hassanip Danmarkimi islaminik ingasattajaartunik isornartorsiulluni nukippassuit atornikuuai. Saniatigullu pinerluttunut aamma nunasisunut alianartumik pinnittarneq aamma isornartorsiornikuullugu, taanna isumaqarami atugarissaarnermut aaqqissuussaagaluami taakkununnga piviusuusoq.
Atuagaateqarfiup maluginiaqquaa billetsinik aalleqqaartoqarnissaa, inullu ataaseq billetsinik killilinnik tigusisinnaavoq, aaqqissuussineq nuannarineqarnissaa ilimagineqarmat.
Aamma atuaruk: Svenskit radioata kalaallit nipilersugaat nuannareqai