Skip to main content

Oqilisoq: Sermersuaq 152 mia. toninik oqilivoq

Issittumi Avannarlermi silap kissanneruartornerani immap sikua aakkiartuupiloorsimavoq, sermersuarli ukiuni 30-ni kingullerni aakkiartornerata agguaqatigiissinneranit, annikinnerulaartumik aakkiartorsimavoq. DMI Sermersuaq pillugu killiffissiuilluni allappoq.

Ukiumut piffissaq sermip aakkiartortarfia qaangiutingajalerpoq, taamaammat Sermersuup aakkiartornera pillugu DMI killiffissiuivoq.

DMI nittartakkamini ima allappoq:

- Ingerlariarnerit tamaasa ilanngutissagaanni, Sermersuaq 1. september 2019-imiit 31. august 2020 tungaanut katillugit 152 milliardit tonit katassimavaa.

Silap pissusianik immikkut ilisimatusartoq Turh Mottramip oqarnera naapertorlugu, sermersuup aakkiartornermini katataa ukiuni qulini kingullerni naatsorsuussatuulli nalinginnaasuuvoq:

- Sermersuaq nittaanneranit serminnguutsitsinerminut sanilliullugu ukioq manna aammaarluni sermimik aattoortoqarneruvoq. Sermersuulli ukioq manna aattoorutigalugu katassimasaa, 1980-2010 akornani katataanit annikinneruvoq, tassa 250 gigatonsiusarmat.

- Immikkulli maluginiangassaasoq tassaavoq, ukiut 30-t matuma siorna taama aakkiartortigitillugu takusimagaluarutsigu oqarsimassagaluarpugut sakkortuallaarujussuartumik aakkiartortoq. Ukiuni kingullerni qaninnerusuni sukkanerusumik aakkiartortarnera sungiussimavarput, Ruth Mottram DMI.dk naapertorlu taama oqarpoq.

Sibiriemi kiannersuaqartoq

Issittumi aasaanera immap sikuanut sakkortunerusimavoq. DMI-mi silap pissusia pillugu ilisimatusartoq Martin Stendel oqarnera naapertorlugu Sibiriep nalaani kiannersuaqarnera pissutigalugu immap sikua sukkanerujussuarmik aakkiartorsimavoq. 

- Issittumi ukiuni kingullerni nalinginnaanngitsumik kiattarpoq, taamaattoqarnera Svalbardimi aakkiartortoqarneruneranik kinguneqarpoq, Issittullu imartaata aakkiartorneranik aamma kinguneqarluni. Aakkiartortoqarneruneranut pissutaaqataalluinnarpoq Sibiriemi ukiuunerani, upernaakkut aasaq mannalu kiannersuaqarnera.

- Kalaallit Nunaat kiannersuarmit eqqorneqannginnerusimavoq, ukioq mannalu "nalinginnaanerusimalluni", Martin Stendel oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER