Skip to main content

Oqartussat sulinerat innuttaasunit naammagisimaarneqarpoq

Coronavirus pillugu sulineq innuttaasunit qanoq isumaqarfigineqarnersoq paasiniarlugu Sermitsiaq.AG Nuummi innuttaasunik isumasiuivoq

Oqartussat coronavirus pillugu sulinerat naammagisimaarneqarpa, aamma suna taanna pillugu ernumagineqarnerpaava?

Pisoq immikkuullarissoq pillugu innuttaasut qanoq isumaqarnersut paasiniarlugu Sermitsiaq.AG paasiniaavoq.

Leiff Josefsen

Margrethe Rosing:

- Tusagassiortunik ullut tamaasa katersortitsisoqartarnera iluarisimaarpara. Tuniluutipilunnissaa ernumaginerpaavara, neriuppunga taamaattoqassanngitsoq. Maani malunnarpoq inuit angerlarsimarrattut, uanga aamma aatsaat pingaaruteqavitsillugu anisarpunga.

Leiff Josefsen

Liv Larsen:

Paasissutissiisoqarluartarnera iluaraara. Illoqarfinni allani innuttaasut taamatut misigisimassasut aamma neriuutigaara. Nuup avataani najugaqartut ernumaginerpaavakka.

Leiff Josefsen

Ulloriaq Petersen:

- Virusip tikinnginnerani immaqa iliuuseqartoqarsimasinnaagaluarpoq. Maannakkut sulinerat ajunngilaq. Illoqarfinnut allanut siaruaannginnissaa neriuutigaara.

Leiff Josefsen

Ove Rønning:

- Innuttaasut ilaat ataatsimoortartut malunnarpoq, immaqa inuusunnerusut ataatsimoornerorpasipput. Innuttaasut uagut naqqiisussaavugut ikioqatigiilluta. Inuiaat ikitsigaluta inuit amerlanerpaamik marluuinnarnissaalluunniit immaqa pitsaanerussagaluarpoq. Utoqqartagut meerartagullu ernumaginerpaavakka.

Leiff Josefsen

Maja Steffens:

- Isumaqarpallaarfiginngilara, isumaqaannarpunga ajunngitsumik sulisoqartoq. Naammagittaalliutissaqanngilanga. Tusagassiortunik katersortitsinerit malinnaaffigisarpakka internetsikkullu aamma malinnaasarlunga. Inuit paarinngikkunik malittagassallu malinneqanngippata kingunissai ernumagisinnaavakka, kisianni innuttaasut malinnilluarput. Taamaallaat festertartut malitassat ataqqivallaarsimagunanngilaat innersuussutit. Tupigusunngilanga festertoqarsimassappat taamaaliortoqarsimanerali pakatsinarpoq.

Sinniisoqarfimmut pisortanngortussaq Tasiilami inuusuttunut: Atugarliornissamut sillimagitsi
Inuunermi nuannersunut, soorlu juullimut, feriamut, katittunut il.il., piffissaq annertooq atorlugu piareersartarpugut, kisiannili inuk kinaluunniit atugarliorani inuuneq ajorpoq, tamatumunngalu...
Kapisilinni innuttaasut tusaaniarneqartut
Borgmesteri Charlotte Ludvigsen kommunimiillu sulisut Kapisilinnut tikeraamata Illu sullivik inunnik ulikkaavippoq. Kapisilinni ilaatigut takornariaqarnermi inuussutissarsiornermilu periarfissat...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER