qimmit nappaataat
Oqartussaqarfik innersuussuteqarpoq: Qimmit nappaateqarsimasut ikuallanneqarlik
Naajaani qimmit nappaataannik qimmit napparsimasut toqunneqartut ikullanneqartarnissaat, Nunatsinni Uumasunut Nakorsaqarnikkut Inuussutissalerinermilu Oqartussat sakkortuumik innersuussutigaat
Avannaani nunaqarfimmi Naajaani annertuumik tuniluuttumik qimmit nappaataanik ilimatsaassisoqarnermut atatillugu qimmit arlallit toqunneqarsimapput.
Qaasuitsup kommuniata Uumasunut Nakorsaqarnikkut Inuussutissalerinermilu Oqartussat ilisimatippai arlaleriarluni qimminik toqungasunik immami nunaqarfiullu eqqaani nassaartoqarsimaneranik, oqartussat tusagassiuutinut nalunaarummi taama ilisimatitsipput.
Aamma atuaruk: Qimmit nappaataanik ilimasunneq
- Uumasunut Nakorsaqarnikkut Inuussutissalerinermilu Oqartussat sakkortuumik innersuussutigaa, qimmit tamarmik, qimmit nappaataat peqqutigalugu toqunneqarsimasut ikuallanneqartarnissaat, oqartussat taama nalunaarput.
Tassami Qimmit nappaataata virusia qimminip timaaniissinnaavoq qimmeq toqoreeraluarpalluunniit. Taamaattumillu qimmit peqqissut, qimmeq toqungasoq tunillanneqarsimasoq attorunikku qimmit nappaataannik tunillanneqarsinnaapput.
- Aatsaat ikuallaanikkut qulakkeerneqarsinnaavoq virusip ajoqutaasinnaajunnaassaaq, Uumasunut Nakorsaqarnikkut Inuussutissalerinermilu Oqartussat naqissusiipput.