Skip to main content

Oqartussaaqataanerulerneq nalliuttorsiutigineqarniartoq

Ukiut 50-it matuma siorna Landsrådit nammineq qinikkaminnik siulittaasortaarput. Tamatuma siuliani naalagaaffimmi atorffilittaasa qullersaat siulittaasuusarimavoq.

Ulloq 26. maj 1967 Erling Høegh Landrådini siulittaasutut qinerneqarpoq.

Nunatta oqaluttuarisaanerani ulloq pingaartuuvoq, Landsrådimimi aatsaavissuaq siulittaasussaminik qinersimmat.

Kalaallit Nunaata Avannaani Kujataanilu Landsrådit 1911-mi pilersinneqarmatali, aamma 1950-imi Landsrådit kattunneqarnerata kingorna, Kalaallit Nunaanni naalagaaffiup atorfilittaasa qullersaat Landsrådinut siulittaasuusarsimavoq.

Taamatuttaaq Nunatsinni demokraatiimik oqartussaaqataanerulernermullu ulloq pingaaruteqartuuvoq, tamannami ukiut 50-it matuma siorna aalajangerneqarpoq.

- Soorunami killitsissutigalugulu aalaterneqaatigilaanngitsoorsinnaanngilara maannakkorpiaq nunatsinni atorfiit qularnanngitsumik akisussaassuseqarnerpaartaannik tunineqarnera landsrådillu uannut tatiginninnermik takutitsinera, tatiginninnermillu takutitsineq tamanna akiniarumavara oqarlunga landsrådi landsrådillu isumai soqutigisaalu ilumoorfigilluinnarumagikka tamatigullu landsrådi tamaat atassuteqarfiginiarumallugu, taanna atorfinitsinneqarnermini taama oqarpoq.

Ukiuni 50-ni nalliuttorsiorneq aqagu Katuami nal. 14.00-miit 16.30 tugaanut persuarsiutigineqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER