Oqarasuaatit internetillu attaveqaataat akornuteqalersinnaasut

Tusass Nuummi innuttaasunut sms-ikkut nalunaaruteqarpoq oqarasuaatinut internetimullu attaviit innaallagiaaruttoornermit akunnialuit qaangiuppata kipisooratarsinnaasut. Peqqinnissaqarfimmit nalunaarutigineqarpoq innaallagiamik pilersuinerup kipisaqattaarsinnaanera pissutigalugu Nuummi coronamut ullumi misissortittoqarsinnaanngitsoq.

SMS, mobiltelefon

Nuummi innuttaasut Tusassimit ima ittumik sms-innapput:

- Nuummi sarfaarunneq pissutigalugu oqarasuaatikkut internetikkullu attaveqaatit Nuummi akunnerni tulliuttuni qameqqeriasaarsinnaapput. Illoqarfiup immikkoortuisa ilaannai qamittooqqapput, sarfaarunnerli sivisussappat piareersimasariaqarpugut.

Sermitsiaq.AG-p ilisimavaa Sisimiuni attaviit suli kipisaqattaarsinnaasut.

Nunap sinnerani pissutsit qanoq innersut pillugit Tusassimit maanna ilisimatitsissutigineqanngikkallarpoq. Nunap sinnerani attaviit ingerlatiinnarnissaannik taakku maanna suliniuteqarput.

Misissuivik matoqqavoq

Dronning Ingridip Peqqissaavia Facebookimini nalunaarpoq Nuummi coronamut misissuivik ullumi matoqqatinneqartoq.

Tunillatsissimasut nutaat ippassaq aamma nalunaarutigineqanngillat.

Powered by Labrador CMS