Oqarasuaatit angallattakkat attavii ajortaqattaartut
Tele-Postip sullitai arlallit mobiliminniit sianerniarnerminni ullumi ajornartorsiuteqarsimasinnaapput. Mobilimmi attaveqaatai ullaap tungaa akornuteqalerput.
Tele-Postip sullitai arlallit maannakkorpiaq mobiliminniit sianerniarnerminni attaveqaatitigut akornuteqaratarsinnaapput.
Mobilinummi attaviit sineriak tamakkerlugu akornuteqarput.
Tele-Postimi attaveqatigiinnermik immikkoortortaqarfiup ilisimatitsissutigaa ajornartorsiut paasiniarneqartoq, aammalu aaqqinniarneqartoq.
- Maannakkut mobilikkut nuna tamakkerlugu attaveqarniarneq ajorseqattaarpoq, ajoqutaasoq teknikkilerisunit misissorneqarpoq, Tele-Post nittartakkamini ilisimatitsivoq.