qimussit
»Oqaluttuassaanngingajattumik kusanartoq nipaallunilu«
Kisitsisit nutaat ernumatitsisorujussuanngorpoq taamaattumillu IA-mit politikkikkut iliuuseqartoqarnissaa ujartorneqarluni: Nunap immikkoortuini pingaarnerit ilaanni qimmit qimuttut ukiut qulit ingerlaneranni affaannarnik amerlassuseqalersimapput
»Qimminik apummillu tunisinga, taava sinneri ilissi pigiinnassavasi!«
Taamatut Knud Rasmussen oqartarsimavoq – oqaatsit tusaamasat –; Issittumili angalasartutut tusaamasatut misiginissaq inuit ikittuinnaat misigisarunarmassuk ajornartorsiutaavoq.
Qimmit qimuttut suli ikiliartorput. Kisitsisit paatsuugassaanngitsut namminneq oqaluttuassartartik nuanniitsoq oqaluttuaraat. Tamanna assersuutigalugu Qeqqata Kommuniani ineriartortitsinermi qitiutitsinikkut assersuutigineqarpoq.
AG taama allaaserinnippoq.
Ataatsimut isigalugit illoqarfinni nunaqarfinnilu pineqartuni qimmit qimuttut ukiut aqqaneq marluk ingerlaneranni affaannanngorsimapput. 3.810-niit 2.162-nut.
Taamattumik qimmit qimuttut tammavissunnginneranni taamatut piartorneq qanoq ilillugu killormut saatsinneqarsinnaava?
Apeqqut tamanna Inatsisartuni qanittukkut oqaluuserineqartorujussuuvoq, taannalu Villy Olsvig-imit, IA, saqqummiunneqarpoq.
Akileraarutinit ilanngaatigineqarsinnaasut
Oqallinnermi qimminik qimuttunik qimmiutilinnut neriorsuisoqarpoq. Tassa takorluukkat pitsaasut piffissap ilaani tigussaasumik inatsisinngortinneqassappata. Assersuutigalugu siunnersuuteqartup Villy Olsvigip qimminik qimuttunik qimmeqaraanni pisassiissutinik amerlanerusunik pisassinneqartarnissaq siunnersuutigaa.
Aamma atuaruk: Qimmussertarnermut kulturimut ulloq pitsaasoq
- Inuk qimuttunik qimmiutilik – akuttunngitsumillu qimussertartoq – sorpassuarnik pissarsisarpoq, nukiit nutaat. Tamanna eqqumiippallaanngilaq. Pinngortitami kusananermik upperisassaanngingajattumiluunniit qimussertoqartarnera eqqarsaatigissagaanni, silaannarmi saligaatsumi – mingutsitsinnginnerup malitsigisaanik. Nunarsuarmi sumiluunniit tamanna taarserneqarsinnaanngilaq; qimusserneq naliitsuuvoq sumiiffinni allani assissaqanngitsoq, Nikolaj Jeremiassen erseqqissaavoq.
Alaaserisaq tamaat AG kingullermi saqqummertumi atuaruk: