Oqaluttuarisaanermi pisoq: Qimaasoq Nuummukartinneqartoq
Tallimanngorneq ulloq 12. april Kalaallit Nunaata oqaluttuarisaanerani siullerpaamik qimaavigineqarpoq
Pineqartoq angutaavoq 30-t missaanni ukiulik, taanna ukiut pingasut sinnerlugit Danmarkimiissimavoq, suliassartaalu oqartussanit suliarineqarsimalluni. Piffissami tassani qallunaatut oqalunneq allannerlu ilinniarsimavai.
Qinnuteqaataa siullermik Qimaasunut Ataatsimiititaliami itigartitsissutigineqarsimangaluarpoq, Qimaasunullu Ataatsimiitalianut maalaaruteqartarfimmut maalaaruteqarnermi kingorna akuerineqarluni Kalaallit Nunaannukartinneqarpoq.
Assigiimmik pisinnaatitaaffeqartoq
Taanna Kalaallit Nunaanni najugallit assigalugit sullinneqassaaq, tassa allatuulli isumaginninnikkut ikiorsiissutinik pisartagaqarsinnaassasoq, Sermitsiaq.AG-mit paasineqarpoq.
Angut ilisimatusarfimmi ilinniaqarsimavoq ullumikkullu, atorfimmut atatillugu inissaqartitsisumik, oqaloqatiginnissaaq.
Suliaq apeqquterpassuarnik pilersitsisinnaavoq, apeqqutillu taamaallaat qallunaat oqartussaasuinit akineqarsinnaapput. Sermitsiaq.AG-lu pingasunngormat apeqquteqarniaraluarmat oqartussat påskimi sulinngiffeqalereersimapput.
Malugiuk: Angutip kinaassusaa illersorniarlugu allaaserisap ilaa ullumi allanngortinneqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...