Skip to main content

Oqaluttuarisaanermi ilannguttoq: eGUX naammassillugu nasartaartoq siulleq

Regine Johansen Villadsen Ilulissat eqqaani Ilimanameersoq eGUX aqqutigalugu najugarisaq qimannagu ilinniarnertuunngorniartuni siullersaalluni nasartaarpoq. Angusaq pillugu ilinniarnertuunngorniarfiup rektoria nuannaarpoq.

Kalaallit Nunaanni ilinniartitaanerup oqaluttuarisaanerani eGUX ingerlallugu nasartaartoq siulleq ataasinngormat naammassivoq. Regine Johansen Villadsen Ilulissat eqqaanni nunaqarfimmi Ilimanameersoq ukiut marluk najugarisaq qimannagu ilinniarnertuunngorniareerluni ippassaq inaarutaasumik misilitsippoq nasartaarlunilu.

- GUX Sisimiuni tulluusimaarutigisorujussuuarput, minnerunngitsumik Regine Johansen Villadsen sinnerlugu. Regine sullarilluinnarsimavoq ilinniarninilu pimoorulluinnarsimallugu, neriuutigaarpullu tamanna ilinniartunut allanut aamma piumassuseqalersitsilluarumaartoq, GUX Sisimiuni rektor Poul V. B. Jensen oqarpoq.

GUX Sisimiuni rektor, Poul V. B. Jensen oqarpoq eGUX, ukiunik marlunnik takissuseqartoq, iluatsilluarsimasoq, taamatullu eGUX-imik naammassinnittut amerlanerulerumaartut naatsorsuutigalugu.

eGUX-imi atuaqatigiiaat marluk siulliit 2019-imi aallartinneqarput. Tamatumunnga ilaatillugu eGUX-imi atuartitsissutit ataasiakkaat aamma atuartitssutit ilassutit atulersinneqarput. Ukioq manna eGUX-imi ilinniarnertuunngorniartut 23-it naammassinnillutik nasartaassapput, taakkunanngalu nunaqarfimmiut ilaasut, GUX Sisimiut ilisimatitsivoq.

Internet aqqutissiuussilluarpoq

Poul V. B. Jensenip nuannaarutigaa internet aqqutigalugu innuttaasut najugartik qimannagu ilinniagaqarusuttut periarfissaqartinneqalermata. Ilinniartitseriaaseq siunnersuisarnerlu aamma atoruminarsarsimapput.

- Ilinniartitsisut siunnersuisullu tunniusimallutik sulisimapput. Ilinniartunut tunniusimasimapput, naak ullut ilaat ilungersunarsinnaasaraluartut. Ikiuulluarnerat maniguulluta tiguarput. Oqaluttariarsornermi allattariarsornermilu inaarutaasumik misilitsitsinissat pilersaarusiornissaat imaannaanngitsuinnaanngilaq, ilinniartut sumiiffinni 20-niittuuppata, Poul V. B. Jensen oqarpoq suliassaqartullu ilinniartitsisullu immikkut qutsavigalugit.

eGUX Sisimiunut qinnuteqartartut ukiumut 100-t missaanniittarput.

- Taama amerlatigisarneri ilimagisimanngilagut, aammali takutiinnarpaa ilaquttat najugaqariaaserlu qimannagit ilinniarusussuseqartoqartoq, najugarisarlu sivikitsuinnarmik qimannissaa piumaneqartartoq, Poul V. B. Jensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER