Oqaluttuarisaaneq allagartarsuarni

Odensemi Atlantikup Avannaaneersut Illuanni allagartarsuarnik nunatsinneersunik katersugaatit alutornartut piffissami aggersumi takuniarneqarsinnaapput

Allagartarsuit qanganisaanerusut Odensemi Nordatlantisk Husimi saqqummersinneqarput. - Knud Fl. Larsen
Allagartarsuit qanganisaanerusut Odensemi Nordatlantisk Husimi saqqummersinneqarput. - Knud Fl. Larsen
Allagartarsuit qanganisaanerusut Odensemi Nordatlantisk Husimi saqqummersinneqarput. - Knud Fl. Larsen
Allagartarsuit qanganisaanerusut Odensemi Nordatlantisk Husimi saqqummersinneqarput. - Knud Fl. Larsen
Allagartarsuit qanganisaanerusut Odensemi Nordatlantisk Husimi saqqummersinneqarput. - Knud Fl. Larsen
Allagartarsuit qanganisaanerusut Odensemi Nordatlantisk Husimi saqqummersinneqarput. - Knud Fl. Larsen

Pisoqaanersaat 1969-imeersuuvoq. Amerlanerpaartaat 80-ikkunneersuullutillu 90-ikkunneersuupput. Allagartarsuit katillugit 173-it nivinngaatiterneqarsimapput. Suli allat 50-it missaanniittut toqqorsivimmiittuutigineqarput. Allagartarsuit Odensemi Kalaallit Illuanni kulturilerisutut sulisuusimasumit Finn Pedersenimit katersorneqarsimapput.

- Taama amerlatiginerat alutorilluinnarpara. Puigorsimagaluarpakka. Katersuinnarsimavakka, 84-inik ukiulik Finn Pedersen, saqqummersitat ammarneqarnerannut atatillugu sisamanngornermi ualikkut oqalugiarami oqarpoq.

- Allagartarsuarmik takunerit tamaasa toqqorsisarsimavunga. Ilaatigut ima iluatsitsisimatigaanga Fjaltringimi Tuukkaq Teatret tikeraartillugu amerlasuunik angerlaassisimallunga.

Finn Pedersen Ilimanami, Ilulissani, Qeqertarsuatsiaani Uummannamilu ilinniartitsisutut, atuarfiup pisortaatut pisortallu tulliatut ukiuni 23-ni sulereerluni Odensemi Kalaallit Illuanni kulturilerinermik 1990-imit 2002-mut ukiuni aqqaneq-marlunni sulisimavoq.

- Tammatsaaliorneqarsimanerat nuannaarutigisorujussuuara.

- Danmarkimi kalaallit illuisa kulturimut tunngasunik immikkoortortaqarfeqalernissaannik aalajangiisoqarsimanera uanga iluatsitsiffigisimavara. Tamatuma ilaatigut kinguneranik Kalaallit Nunaat tassanilu pissutsit pillugit atuarfinni 175-it missaanniittuni oqalugiartarsimavunga.

Sammisanut agguataakkat

Allagartarsuit 173-it sammisanut immikkoortiterlugit nivinngaatiterneqarsimappput. Nipilersorneq, eqqumiitsuliorneq, takornariaqarneq, Tuukkaq aamma Aasivik, qangaanerusoq kiisalu allagartarsuit paasissutissiissutaasut assigiinngitsut.

Allagartarsuit amerlalluinnartut assigiinngitsorpassuarnik soqutiginartorujussuarnillu oqaluttuartuupput. Tamatumunnga naleqquttunik ukioqalersimagaanni saqqummersitat misissuataarlugit ingerlaartoqarsinnaavoq allagartarsuarnillu oqaluttuarineqartorpassuit pissanganartut eqqaallattaarlugit.

Allagartarsuit inuit ilarpassuinit qularnanngitsumik angerlarsimaffinni assiliaatigineqarsimassapput. Inuit ilarpassui aaqqissuussinerit allagartarsuarnit oqaluttuarineqartut ilaannut arlalinnulluunniit qularnanngitsumik najuussimassapput. Ukiukinnnerusimagaanni aaqqissuussinerit ukiut 30-40-t matuma siornatigut pisimasut ilaat isiginnaarlugillu atuarneqarsinnaapput, Kalaallit Nunaannilu kulturikkut inuunerup allagartarsuarnit aamma oqaluttuarineqartup piffissami tassani qanoq pisuujutigisimanera aamma uppernarsilllugu.

Takuniagassaqqissut

Saqqummersitat novembarip 17-iata tungaanut takuniarneqarsinnaapput takuniagassaqqilluinnartuullutillu.

Powered by Labrador CMS