Oqaluttualiaq: Inuusuttuaqqat meerartaajaaraangata
Nunatsinni siornatigut sulisimasoq, atuakkiortoq Lise Andersen, oqaluttualiami Kalaallit Nunaanni pisumi saqqummersitsivoq
Inuusuttuaqqat marluk meerattaajaarnerat oqaluttualiami sammineqarpoq, tassani inuusuttuaqqat inersimasunngujaarnerat ilaatigut sammineqarluni.
Atuagaq atuakkiortumit Lise Andersen allanneqarpoq.
Nuka aamma Arsuk
Kalaallit Nunaanni piviusuusaartitsilluni atuakkiorpoq. Atuakkami pingaarnertut sammineqarput Nuka aamma Arsuk.
- Oqaluttuaq sumiikkaluaraanniluunniit naammattoorneqarsinnaavoq, Kalaallit Nunaanni Yemenimikkaanniluunniit. Inuusuttuaqqat meerartaajaaraangata pisortassuaqartarpoq - tamanna pigaangat inersimasunngortariaqartarput, Lise Andersen oqaluttuarpoq.
- Atuakkami oqariartuuteqanngilanga, oqaluttuamik pissanganartumik saqqummersitsinissara taamaallaat anguniarpara. Kalaallit Nunaanni meeqqat atugaat pillugit uani oqallittoqalinnginnissaa anguniagarinngilara.
Sumiiffiit assigiinngitsut
- Nunani allani pisartut soqutigisarilluinnarpakka, soorlu Yemenimi, Kurdistanimi aamma Perumi pisuusaartitsillunga oqaluttualiortareerpunga.
Atuakkiortoq siornatigut Kalaallit Nunaanni najugaqareerpoq. Milik Publishing aqqutigalugu Uummat 2016-mi saqqummersippaa, tassani Uummannami meeqqat angerlarsimaffianni najugaqartut ilaat atuakkiaralugit.
- Atuakkami maanna saqqummersumi Nuka aamma Arsuk piviusuunngillat, taamaattoq inoqarpoq assingusumik inuuneqarsinnaasut. Ingerlariaqqinnissamut siunnerfeqartut atuakkami sammivakka - inuusuttut anguniagaqarnerat - ataqqisaralu, allaaseraakka, Lise Andersen oqarpoq.
Atuagaq, Ravnen flyver lavt, 462-nik qupperneqarpoq Forlaget Lauritz aqqutigalugu saqqummerluni, 299,96 koruuninik atuagaq akeqarluni.